سەيسەنبى, 23 شىلدە 2024
46 - ءسوز 12019 0 پىكىر 2 شىلدە, 2015 ساعات 07:35

بالقاش كولى تارتىلۋى مۇمكىن بە؟

بالقاش كولىنىڭ سۋى تارتىلىپ كەتۋى مۇمكىن دەگەن قاۋىپ بار، دەپ ەسەپتەيدى بالقاش-الاكول باسسەيندىك كەڭەس حاتشىسى انارا تىلەۋلەسوۆا.

«قازىر بالقاش كولىنىڭ بەلگىسى دەپ اتالاتىن مەجە 342,2, ول قالىپتى جاعداي، بىراق ەرتەڭدەرى قاجەت كولەمدە سۋ بەرىلمەيتىن بولسا، ول تومەندەپ كەتۋى مۇمكىن. بۇل جەردە پروبلەما تۋىندايدى. بىلتىر بالقاش دەڭگەيى جارتى مەترگە تۇسكەن، ول دەگەنىڭىز 18 ملرد تەكشە مەتر سۋ دەگەن ءسوز»، دەيدى تىلەۋلەسوۆا بالقاش-الاكول باسسەيندىك كەڭەستىڭ 20-شى وتىرىسىنىڭ دالىزدەرىندە.
ونىڭ ايتۋىنشا، ءۇشىنشى جىل قاتارىنان ىلەمەن از سۋ قۇيىلۋدا، ال ىلە بالقاشتىڭ 80% سۋىن قۇيادى.
«نورما بويىنشا قۇيىلاتىن سۋ كولەمى سەكۋندىنا 700 تەكشە مەتر بولۋى كەرەك، ال بۇگىندەرى ول 400 تەكشە مەتر، ياعني، نورمادان ەكى ەسەدەي از. ونىڭ ۇستىنە قاپشاعاي سۋ قويماسىنداعى سۋ كولەمى 15 تەكشە كيلومەتر، قىس بويىنا اققان سۋ كولەمى تىم تومەن بولعانى سونشاما، ءبىز ول سۋدى جيناي المادىق. ىلەنىڭ تومەنگى ساعاسى مەن بالقاشتىڭ سۋعا تولۋى قاپشاعايعا بايلدانىستى»، دەدى تىلەۋلەسوۆا.
سونداي-اق، ساراپشى بالقاشتاعى سۋ ساپاسىنا نازار اۋدارا كەلىپ، «بىزدە سارقىندى سۋ وتە كوپ» دەپ اتاپ ءوتتى.«سۋدىڭ ساپاسىن ناقتى كورسەتەتىن ەلەۋلى زەرتحانالار بولۋى كەرەك»، دەپ ەسەپتەيدى ول.
بالقاشتى سۋمەن تولتىرۋ جولدارىن ساراپشى، قولدا بار رەسۋرستاردى ءتيىمدى پايدالانۋ جانە زاڭنامانى ساقتاۋدا دەپ بىلەدى. «سۋ كودەكسىنىڭ 103-ءشى بابىندا بارلىق كاسىپورىندار اينالمالى سۋ پايدالانۋ جۇيەسىن ەنگىزۋى كەرەك دەپ ايتىلعان. دەمەك پايدالانىلعان سۋدى تازارتۋ قوندىرعىلارىنان وتكىزىپ، تەحنيكالىق مۇقتاجدىقتارعا قايتا پايدالانۋ، ال تابيعي سۋ كوزدەرىنەن سۋدى تەك ناپاقا رەتىندە الىپ وتىرۋ كەرەك. سول كودەكستىڭ 86-شى بابىندا ءار كاسىپورىن ءار بەس جىلدا ءونىم بىرلىگىنە سۋ پايدالانۋدىڭ جەكە نورماسىن دايىنداپ وتىرۋى كەرەكتىگى انىق كورسەتىلگەن. شارتتى تۇردە الساق، 1 كگ نان پىسىرۋگە 1 ليتر سۋ كەرەك. ول ءوندىرىستى سۋ ۇنەمدەيتىن جاڭا تەحنولوگيالار ەنگىزۋ ءۇشىن كەرەك»، دەدى ساراپشى.
ونىڭ ايتۋىنشا، سۋ پايدالانۋشىلار ول نورمالاردى ساقتامايدى، ال زاڭدى بۇزعاندارى ءۇشىن جاۋاپكەرشىلىك ءتيىمسىز بولىپ وتىر.

«ايقىن» گازەتى

 

0 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1376
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2167
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2195