يندونەزياداعى اۋە اپاتىنان قازا بولعانداردىڭ سانى 113 ادامعا جەتتى، - دەپ حابارلايدى Tengrinews.kz. ولاردىڭ بارلىعى اۋەدە جارىلعان Hercules C-130 ۇشاعىنىڭ بورتىندا بولعان. اپات 2015 جىلدىڭ 30 ماۋسىمىندا سۋماترادا بولدى. ۇشاق جارىلعاننان كەيىن قوناق ۇيگە قۇلاعان.

ەلدەگى ۆۆس جەتەكشىسى اگۋس سۋپرياتنانىڭ (Agus Supriyatna) ايتۋىنشا، بورتتا بولعانداردىڭ بارلىعى قازا تاپقان. "اۋە اپاتىنان ەشكىم ءتىرى قالعان جوق", - دەدى ول جەرگىلىكتى ارنالاردىڭ ءبىرىنىڭ تىكەلەي ەفيرىندە. بورتتا 113 جولاۋشى مەن ەكيپاجدىڭ 12 مۇشەسى بولعان. 49 دەنە تابىلدى، ولار اۋرۋحاناعا جىبەرىلدى.

اۋە كەمەسى Golden Eleve قوناقۇيىنە قۇلاۋدان بۇرىن ەكى عيماراتتى جاناپ وتكەن. ۇشاقتىڭ مەدان اسكەري بازاسىنان ۇشىپ شىققانى جانە ناتۋنا ارالىنا باعىت العانى انىقتالدى.

اباي-اقپارات