«ديپلومات رەتىندە قازاقستان حالقىن تەرەڭىرەك ءبىلۋ ءۇشىن قازاق ءتىلىن جەتىك ءبىلۋىم كەرەك» دەيدى قازاقستانداعى اقش-تىڭ جاڭادان تاعايىندالعان توتەنشە جانە وكىلەتتى ەلشىسى دجوردج البەرت كرول.

Nur.kz جازۋىنشا، ەلشى بۇل ءسوزىن اقوردادا مەملەكەتتىك حاتشى گۇلشارا ابدىقالىقوۆامەن كەزدەسۋى الدىندا باق وكىلدەرىنە سۇحبات بەرگەندە ايتقان.

«قازاق ءتىلىن ۇيرەنۋگە تىرىسىپ ءجۇرمىن. قازاق ءتىلى قۇلاققا وتە جاعىمدى، اۋەزدى ەستىلەدى، وزىندىك نازىكتىگى بار. مەن ديپلومات رەتىندە قازاقستان حالقىن تەرەڭىرەك ءبىلۋ ءۇشىن قازاق ءتىلىن جەتىك ءبىلۋىم كەرەك. ويتكەنى، ءتىل — حالىقتىڭ جان-دۇنيەسى. دەگەنمەن، قازاقستان كوپۇلتتى مەملەكەت بولعاندىقتان ورىس، اعىلشىن تىلىندە دە ەركىن تىلدەسە بەرۋگە بولادى. بىراق، قازاق ءتىلىن ءبىلۋ، ءتۇسىنۋ ديپلومات ءۇشىن بارىنشا ماڭىزدى»، — دەگەن جاڭا ەلشى.

ەلشى ءوز سوزىندە قازاق تىلىندە قاتە سويلەيتىندىگىنەن ۇيالاتىندىعىن ايتىپ، ول كەمشىلىگىن تۇزەتۋگە تىرىسىپ جۇرگەندىگىن جەتكىزدى. ول ءسوز سوڭىندا باق وكىلدەرىنە قاراتا قازاق تىلىندە: «سىزدەرگە جانە وتباسىلارىڭىزعا زور دەنساۋلىق، مول باقىت، ۇزاق ءومىر، ەڭبەكتە تابىس تىلەيمىن»، — دەگەن.

اباي-اقپارات