رەداكتسيامىزعا حابارلاسقان وقىرمانىمىز اماندىقتان سوڭ وقو-دا «قولجەتىمدى» دەپۋتات كىم؟  دەگەن  سۇراق قويدى. ويلانىپ قالدىق. الگى «قولجەتىمدى» دەگەنى ورىس تىلىندەگى «دوستۋپنو-نىڭ» قازاقشاسى ەكەنى ءمالىم. دەگەنمەن، قولجەتىمدى دەيتىندەي دەپۋتات باسپانا نەمەسە باعاسى قىمبات دۇنيە ەمەس ارامىزدا جۇرگەن ازاماتتار ەمەس پە دەپ جازادى قالالىق «شىمكەنت كەلبەتى» گازەتى.

ايتسە دە، سايلاۋشى، بىزدىڭشە وقىرمانىمىز، ءماسليحات دەپۋتاتتارىنىڭ قايسىسى حالىققا جاقىن، اشىق، ياعني تۇرعىندارمەن تىعىز بايلانىستا ەكەنىن بىلگىسى كەلسە كەرەك. سايلاۋشىلارمەن ءجيى كەزدەسىپ، وزەكتى ماسەلەلەردىڭ، تالاپ-تىلەكتەردىڭ شەشىمىن تابۋى ماقساتىندا بەلسەندىلىك تانىتىپ جۇرگەن دەپۋتاتتى اتاعانىمىزدى قالاعان بولار.

قالالىق ءماسليحات دەپۋتاتتارىنىڭ بارلىعى ءوز قۇزىرەتى جانە بەلگىلەنگەن ءتارتىپ شەڭبەرىندە سايلاۋشىلارمەن كەزدەسۋلەر وتكىزىپ جۇرگەنىن بىلەمىز. كەزدەسۋلەردە كوتەرىلگەن ماسەلەلەردى سەسسيالاردا نەمەسە ماجىلىستەردە ورتاعا سالىپ، وڭ شەشىمىن تابۋىنا ىقپال ەتىپ جۇرگەندەرىنەن دە حاباردارمىز. دەسەك تە، اقيقاتىن ايتايىق، قالا تۇرعىندارىنىڭ اراسىندا قايبىر جىلى وزدەرى داۋىس بەرگەن دەپۋتاتتارىنىڭ اتى-ءجونىن بۇگىندە ەسىنە تۇسىرە المايتىندارى دا بارشىلىق. ءتورت جىلعا جۋىق ۋاقىت بۇرىن سايلاۋالدى باعدارلاماسىن جاريا ەتىپ، جۇرت الدىنا ءجيى شىققان دەپۋتاتتارىنىڭ اتقارعان جۇمىسىن بىلگىسى كەلەتىن سايلاۋشىلار دا كوپ. سايلاۋ الدى باعدارلامادا قانداي ماسەلەلەر ايتىلعان ەدى، بۇگىنگى دەپۋتات – كەشەگى ۇمىتكەر جوسپار-جوباسىن، ماقسات-مۇراتىن قالاي جەتكىزگەن ەدى كوپشىلىككە؟ باعدارلامانىڭ ورىندالۋ بارىسى قالاي، دەپۋتاتتىڭ جاريالىلىعى، اشىقتىعى، بەلسەندىلىگى قانداي؟

ەندەشە، وتكەندى ەسكە ءتۇسىرىپ، سايلاۋشىلارمەن بىرگە ساۋالدارعا جاۋاپ ىزدەپ كورەلىك. ياعني، قۇرمەتتى سايلاۋشى، قالالىق ءماسليحات دەپۋتاتتارىنا قويار سۇراقتارىڭىز، ءوتىنىش-تىلەكتەرىڭىز بولسا حابارلاسىڭىزدار. ال، ءبىز دەپۋتاتتاردىڭ جاۋاپتارىن جاريالاۋعا، سايلاۋشى مەن دەپۋتات اراسىنداعى بايلانىستى نىعايتۋعا سەپتىگىمىزدى تيگىزۋگە دايىنبىز.

بايلانىس تەلەفونىمىز: 46-42-02, 46-42-22. e-mail: shymkent_media@mail.ru

Abai.kz