ارمەنيالىقتار كەزەكتەن تىس سايلاۋ وتكىزۋدى تالاپ ەتتى
ارمەنيا استاناسى ەرەۆاندا كونستيتۋتسيالىق رەفورماعا قارسى وپپوزيتسيالىق كۇشتەردىڭ ميتينگىسى وتۋدە. اكتسيانى "جاڭا ارمەنيا" ۇلتتىق قۇتقارۋ مايدانى وتكىزىپ جاتىر.
الدىن "جاڭا ارمەنيا" 1 جەلتوقساننان باستاپ كەزەكتەن تىس پرەزيدەنتتىك جانە پارلامەنتتىك سايلاۋ وتپەيىنشە، كۇنى-ءتۇنى ۇزدىكسىز نارازىلىق اكتسيالارىن جالعاستىراتىنىن مالىمدەگەن ەدى. ميتينگىگە بىرنەشە مىڭداعان ادام قاتىسىپ جاتىر.
6 جەلتوقساندا ارمەنيادا كونستيتۋتسياعا وزگەرىس ەنگىزۋ ءۇشىن رەفەرەندۋم وتكىزىلەدى. وندا پرەزيدەنتتىك رەسپۋبليكادان باس تارتىپ، پرەمەر-ءمينيستردىڭ مارتەبەسىن كەڭەيتۋ قاراستىرىلعان. وپپوزيتسيونەرلەر بولسا، پرەزيدەنت سارگسيان ەكىنشى پرەزيدەنتتىڭ مەرزىمى اياقتالعان سوڭ، ۇكىمەت باسىنا بارىپ، بيلىك تىزگىنىن ۇستاۋدى جالعاستىرماقشى دەپ ايىپتايدى.
اباي-اقپارات
