1 جەلتوقسان تۇڭعىش پرەزيدەنت كۇنىنە وراي تۇلكىباس اۋدانىندا 4 الەۋمەتتىك جانە كاسىپكەرلىك نىساندار اشىلىپ، ەل يگىلىگىنە بەرىلدى.

بالالاردى مەكتەپكە دەيىنگى تاربيە مەن وقىتۋ بويىنشا ەلباسىنىڭ  2020 جىلعا دەيىن  بالالاردى 100 پايىز قامتاماسىز ەتۋ جوسپارىنا وراي   تۇلكىباس اۋدانىنداعى  ىنتىماق  اۋىلىندا 100  ورىندىق بالاباقشا ەل يگىلىگىنە بەرىلىپ وتىر. الەۋمەتتىك نىسان «بالاپان» باعدارلاماسى بويىنشا مەملەكەت پەن جەكەمەنشىك ارىپتەستىگى نەگىزىندە ىسكە قوسىلىپ وتىر.  اۋىلدىڭ 23 ازاماتى جۇمىسپەن قامتىلعان 2043-گە  جۋىق حالقى بار ىنتىماق اۋىلىندا بالاباقشا بۇرىن بولماعان.   اۋىل بالالارى تەك اۋىل ىشىندەگى مەكتەپ جانىنداعى شاعىن ورتالىقتا قامتاماسىز  ەتىلگەن. جالپى قۇنى 40 ملن تەڭگە جۇمسالعان بالاباقشانى جەكە كاسىپكەر ن.مامىروۆ تۇرعىزعان.   اتالعان بالاباقشادا   ويىن الاڭدارى، جاتىن  بولمەلەر، وقۋ سىنىپتارى،  بەينەلەۋ ونەرى زالدارى  زاماناۋي تالاپتارعا ساي جابدىقتالعان.  جالپى اۋداندا  30 بالاباقشادا 3905 بالا،  مەكتەپ جانىنداعى 37 شاعىن  ورتالىقتا 1534  بالا،  بارلىعى 3-6 جاستاعى بالا سانى -5439, قامتۋ پايىزى 78,58% قۇرادى.

         سونداي-اق كەمەرباستاۋ اۋىلدىق وكرۋگىنە قاراستى كۇمىسباستاۋ اۋىلىندا جاڭا قازىرگى زامانعا ساي بارلىق قۇرال جابدىقپەن قامتاماسىز ەتىلگەن مەديتسينالىق پۋنكت ەل يگىلىگىنە بەرىلدى. ەندى باسى اۋىرىپ، بالتىرى سىزداعان اۋىل ازاماتتارى العاشقى كومەكتى ءوز اۋىلدارىندا الاتىن بولدى. مەديتسينالىق نىساننىڭ قۇرىلىس جۇمىستارىنا وبلىستىق بيۋدجەتتەن 42 ملن 334 مىڭ تەڭگە قارجى جۇمسالعان. مەردىگەر  «اسار ستروي» مەكەمەسى. جالپى كۇمىسباستاۋ اۋىلىندا 627 ادام تۇرادى. نىساندا 2 قىزمەتكەر جۇمىس اتقارادى. سونىمەن قاتار وسى وكرۋگكە قاراستى م.جارىمبەتوۆ اۋىلىندا دا فەلدشەرلىك اكۋشەرلىك پۋنكت پايدالانۋعا بەرىلدى. قۇرىلىس جۇمىستارىنا وبلىستىق بيۋدجەتتەن 51 ملن تەڭگە قارجى جۇمسالعان پۋنكتە 1068 اۋىل  حالقى زاماناۋي قۇرال-جابدىقپەن ەمدەلەتىن بولادى. نىساندا 2 قىزمەتكەر جۇمىس اتقارادى. جالپى اۋداندا 53 مەدتسينالىق مەكەمەلەر حالىققا قىزمەت كورسەتەدى. سوڭعى 3 جىلدا 23 مەديتسينالىق نىساندار سالىنىپ، بىرقاتار كۇردەلى جوندەۋدەن وتكەن. بيىلعى جىلى  تۇلكىباس اۋدانىندا 5 مەديتسينالىق نىساننىڭ قۇرىلىسى جۇرسە، ونىڭ 2-ءۋى ەل يگىلىگىنە بەرىلسە، 2-ءۋى جىل سوڭىنا دەيىن، 1-ءۋى كەلەر جىلى پايدالانۋعا بەرۋ جوسپارلانىپ وتىر.

    سونىمەن قاتار جەرگىلىكتە جەردە وتاندىق ءونىمدى دامىتۋ، كاسىپكەرلەرگە قولداۋ كورسەتۋ، حالىقتى جۇمىسپەن قامتۋ باعىتى اياسىندا رىسقۇلوۆ اۋىلدىق وكرۋگىنە قاراستى ازاتتىق اۋىلىندا مينەرالدى ەمدىك-ساۋىقتىرۋ اس سۋىن وندىرەتىن «كريستال-سۋ» جشس-ءى ىسكە قوسىلدى. جالپى قۇنى 182 ملن قارجى جۇمسالعان تسەحتا جەرگىلىكتى 12 تۇرعىن جۇمىسپەن قامتىلىپ وتىر. جىلىنا 10 مىڭ توننا ءونىم وندىرەتىن تسەحتا سۋسىنىڭ 6 ءتۇرىن وندىرەدى.

 جالپى اۋداندا 22 ءىرى كاسىپورىنمەن  شاعىن جانە ورتا بيزنەستە تىركەلگەن 7332 كاسىپكەر بار. بيىلعى جىلى جەمىس-جيدەك ونىمدەرىنەن ءونىم وندىرەتىن جالپى قۇنى 455 ملن تەڭگەلىك ەكى كاسىپورىن اشىلسا،  جىل باسىنان بەرى «ىرىس» شنۇ» جشس-نەن بارلىعى 104,4 ملن تەڭگەلىك 41 جوبا جەڭىلدەتىلگەن شاعىن نەسيەلەر العان.

        نىسانداردىڭ اشىلۋىندا اۋدان اكىمىنىڭ ورىنباسارلارى م.جانەسەن، ءو.ماتكەريموۆ اۋدان اۋماعىندا اشىلىپ جاتقان الەۋمەتتىك جانە كاسىپكەرلەرىك نىساندار ەل يگىلىگى جولىندا اتقارىلىپ جاتقان جۇمىستار ەكەندىگىن ايتا كەلىپ، الداعى ۋاقىتتا ءدال وسىنداي نىساندار اشىلاتىنىن جەتكىزدى.  اۋىل اقساقالدارى اتىنان كۇمىسباستاۋ اۋىلىنىڭ تۇرعىنى  ر.مۇساباەۆ، م.جارىمبەتوۆ اۋىلىنىنىڭ تۇرعىنى  ك.بالدانباەۆ،   اۋداندىق ءماسليحات دەپۋتاتتارى گ.ەشەنقۇلوۆا، ن.امىربەكوۆ ءسوز سويلەپ، ريزاشىلىقتارىن ءبىلدىردى.

تۇلكىباس اۋدانىنىڭ رەسمي سايتى