«اباي» مادەنيەت سارايىندا تۇڭعىش پرەزيدەنت كۇنىنە ارنالعان مەرەكەلىك شارا ءوتتى. «ەلىن سۇيگەن ەلباسى» تاقىرىبىمەن وتكەن مادەني ءىس-شاراعا اۋداندىق ءماسليحات اپپاراتى مەن ءماسليحات دەپۋتاتتارى، ارداگەرلەر ۇيىمى، قالا، اۋىل اكىمدەرى مەن بارلىق مەكەمە، ۇيىم باسشىلارى، باسقا دا قوناقتار قاتىستى. مەملەكەتتىك ءانۇران ورىندالىپ، كەشتى جۇرگىزۋشىلەر ەلباسىمىز نۇرسۇلتان ءابىشۇلى نازارباەۆتىڭ ءومىربايانى مەن ساياسي ەڭبەك جولىنا كەڭ كولەمدى شولۋ جاساعان سوڭ اۋدان اكىمى قامىتبەك ايتورەەۆ قۇتتىقتاۋ ءسوز سويلەدى.

- بۇگىن شاردارالىقتار بارلىق قازاقستاندىقتارمەن بىرگە ەرەكشە مەرەكە - قازاقستان رەسپۋبليكاسى تۇڭعىش پرەزيدەنتىنىڭ كۇنىن اتاپ وتۋدەمىز، - دەدى قامىتبەك نۇرجانۇلى. -بۇل مەرەكە جاڭا تاۋەلسىز مەملەكەتتىڭ نەگىزىن قالاۋشى رەتىندە نۇرسۇلتان ءابىشۇلى نازارباەۆتىڭ ايرىقشا ەڭبەگىنە قۇرمەت رەتىندە بەلگىلەندى. نۇرسۇلتان نازارباەۆ قازاقستان باسشىلىعىنا قيىن كەزەڭدە كەلدى. الايدا، مەملەكەت باسشىسىنىڭ كەمەڭگەرلىگى مەن ساياسي ەرىك-جىگەرى قيىندىقتاردى جەڭىپ، ەلىمىز ەكونوميكاسى قارقىندى دامۋشى ەلدەر قاتارىنان كورىنۋدە.«قازاقتىڭ بۇكىل تاريحى – بىرىگۋ تاريحى» دەپ ن.نازارباەۆ قاداپ ايتقانداي، ەگەمەندىك، تاۋەلسىزدىك، ماڭگىلىك ەل ۇلتتى بىرىكتىرۋشى كۇشكە، ۇلتتىق يدەولوگيانىڭ رۋحاني تىرەگىنە اينالدى. ول مەملەكەتتىلىكتىڭ وركەنيەت جولىن ۇسىندى. پرەزيدەنتتىك ساياسي ينستيتۋت ەنگىزدى. 24 جىلعا جۋىق ۋاقىتتا قازاقستان الەمنىڭ ازۋلى مەملەكەتتەرىنىڭ قاتارىنان ءوز ورنىن ويىپ الدى.

مەملەكەت باسشىسى بيىلعى جىلى 11 ناۋرىزدا «نۇر وتان» پارتياسىنىڭ ءحVى سەزىندە قازاقستاندىق مەملەكەتتىلىكتى نىعايتۋدىڭ بەس نەگىزگى ينستيتۋتتىق رەفورماسىن ايقىنداپ، «100 ناقتى قادام» ۇلت جوسپارىن ۇسىندى.بۇگىنگىدەي بۇكىل الەمدى شارپىپ وتىرعان الەمدىك داعدارىس جاعدايىندا «100 ناقتى قادام» ۇلت جوسپارى ەل ەكونوميكاسىن جاڭعىرتۋ، ەلىمىزدى دامۋدىڭ جاڭا دەڭگەيىنە كوتەرىلۋىنە سەرپىن بەرەرى انىق.

بۇگىندە ەل تاريحىنا التىن ارىپتەرمەن جازىلاتىن 1 جەلتوقسان – قازاقستان رەسپۋبليكاسى تۇڭعىش پرەزيدەنتى مەرەكەسى ەلدىكتى تۋ ەتكەن حالقىمىزدىڭ اسقاق ارمانى مەن ايبارلى رۋحىنىڭ مەرەكەسىنە اينالۋدا.

بارشاڭىزدى وسى مەرەكەمەن قۇتتىقتاي وتىرىپ، دەندەرىڭىزگە ساۋلىق، وتباسىلارىڭىزعا اماندىق، جۇمىستارىڭىزعا تابىس تىلەيمىن.

مۇنان سوڭ ۇزدىكتەردى ماراپاتتاۋ ءراسىمى بولدى. رەسپۋبليكالىق ۇلتتىق بيزنەس – رەيتينگىنى ۇيىمداستىرۋ كوميتەتىنىڭ قازاقستانداعى مەكەمەلەردىڭ قارجى – ەكونوميكالىق كورسەتكىشتەرىن زەردەلەۋ قورىتىندىسىنىڭ ناتيجەسى بويىنشا شىعارىلعان شەشىممەن «شاردارا اۋداندىق ىشكى ساياسات ءبولىمى» مەملەكەتتىك مەكەمەسى «2015 جىل مەملەكەتتىك كاسىپورنى» ۇلتتىق سەرتيفيكاتىمەن ماراپاتتالعان بولاتىن. وسىناۋ سەرتيفيكاتتى اتالمىش ءبولىمنىڭ باسشىسى باۋىرجان شومپيەۆكە اۋدان باسشىسى سالتاناتتى تۇردە تابىس ەتتى. سونداي-اق، تۇڭعىش پرەزيدەنت كۇنىنە ارنالعان شىعارمالار بايقاۋىندا جەڭىمپاز دەپ تانىلعان شىعارماشىل جاستارعا دا سىي-سياپاتتار تابىس ەتىلدى.

اۋدان اكىمىنىڭ قۇتتىقتاۋىنان سوڭ مەرەكەلىك كونتسەرت باستالدى. قانات داۋىلباەۆ، اعايىندى سەرعازى جانە ادىلعازى يبراگيموۆتەر، قاتيرا مۇستاپاەۆا، ءاليا اقباەۆا، مۇرات قوڭىرباەۆ سىندى انشىلەر مەن «اق اجەلەر» ءانسامبلى، اۋدان ونەرپازدارىنان قۇرالعان انشىلەر توبى ەلباسى مەن ەلدىك تۋرالى اندەر شىرقاپ، كوپتىڭ كوڭىلىن كوتەردى.

اۋدان اكىمى اپپاراتىنىڭ ءباسپاسوز قىزمەتى