جۇما, 29 ناۋرىز 2024
بيلىك 3446 0 پىكىر 1 جەلتوقسان, 2015 ساعات 03:00

جارمەڭكەدە 2015 جۇمىس ورىنى ۇسىنىلدى

اباي ساياباعىنداعى «بەينەلەۋ ونەرى» مۇراجايىندا حالىقتى جۇمىسپەن قامتۋ ورتالىعىنىڭ ۇيىمداستىرۋىمەن بوس جۇمىس ورىندارى جارمەڭكەسى ءوتتى  دەپ حابارلايدى «شىمكەنت كەلبەتى» گازەتى. جارمەڭكەگە «نۇر وتان» پارتياسى شىمكەنت قالالىق فيليالىنىڭ توراعاسى ومىرزاق مەلدەحانوۆ، قالا اكىمىنىڭ ورىنباسارى گۇلجان قۇرمانبەكوۆا، قالالىق ءماسليحاتتىڭ حاتشىسى نۇرلان بەكنازاروۆ قاتىسىپ، جارمەڭكە جۇمىسىنا ساتتىلىك تىلەدى.

ەلباسىمىزدىڭ «قازاقستان جولى-2050: ءبىر ماقسات، ءبىر مۇددە، ءبىر بولاشاق» اتتى قازاقستان حالقىنا جولداۋىندا جانە «جۇمىسپەن قامتۋ-2020» جول كارتاسى باعدارلاماسىندا نەگىزگى باسىمدىقتاردىڭ ءبىرى – جۇمىسپەن تۇراقتى قامتۋعا جاردەمدەسۋ شەڭبەرىندە قالادا مۇنداي جارمەڭكەلەر ءجيى ۇيىمداستىرىلادى.

ايتۋلى شاراعا ءوڭىردىڭ 201 كاسىپورىن مەن مەكەمەلەر قاتىسىپ، ولار 2 015 بوس جۇمىس ورىندارىن ۇسىندى. بيىل جۇمىسپەن قامتۋ مەكەمەلەرى الدىنا اۋقىمدى جوسپارلار قويىپ وتىر. اتاپ ايتار بولساق، باعدارلاما اياسىندا 400 ادامدى الەۋمەتتىك، 533 جاس تۇلەكتى جاستار پراكتيكاسىنا، 148 ازاماتتى قايتا دايارلاۋ كۋرسىنا وقىتۋعا، 1520 ازاماتتى قوعامدىق جۇمىس ورىندارىنا تارتۋ جوسپارلانۋدا. وڭىردەگى 9092 بوس جۇمىس ورىندارىنا 1338 جۇمىسسىز ازاماتتاردى مەملەكەتتىك جانە ايماقتىق باعدارلاما شەڭبەرىندە جۇمىسقا الۋ جوسپارلاندى.

قۋانتارلىعى، جىل باسىنان بەرى اتالعان باعدارلاما اياسىندا 14 997 ازامات جۇمىسپەن قامتىلسا، ولاردىڭ  593-ءى الەۋمەتتىك سالاعا، 1796-سى قوعامدىق جۇمىس ورىندارىنا، 148 ازامات قايتا دايارلاۋ كۋرسىنا وقىتۋعا جولداندى. شىمكەنت قالاسى بويىنشا 2015 جىلدىڭ جوسپارىنا سايكەس 479 مۇمكىندىگى شەكتەۋلى ازاماتتاردى جۇمىسپەن قامتۋ مەجەلەنسە، قازىرگى تاڭدا ونىڭ 429-ى جۇمىسپەن قامتىلىپ وتىر. ءبىر ايتارلىعى وڭتۇستىك قازاقستان وبلىسىندا تۇرعىنداردى جۇمىسپەن قامتاماسىز ەتەتىن جۇمىس ورىندارىنىڭ جارمەڭكەسى تۇراقتى ءوتىپ كەلەدى. وقو-نىڭ وسى يگىلىكتى ءىسى وزگە وبلىستارعا دا ابدەن ۇلگى بولسا كەرەك-ءتى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618