جاقىندا وقو-دا قالالىق جەدەل مەديتسينالىق كومەك كورسەتۋ اۋرۋحاناسى تمد ەلدەرى اراسىندا ۇزدىك دەپ تانىلدى. دالىرەك ايتار بولساق، بيزنەس-رەيتينگ ۇلتتىق وداعىنا مۇشە 6 مەملەكەتتىك اراسىندا شىمكەنت قالالىق جەدەل مەديتسينا ماماندارى ۇزدىكتەر كوشىن باستاعان.   بۇل تۋرالى abai.kz پورتالى وڭتۇستىك قازاقستان وبلىسى اكىمدىگىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

شىمكەنت قالالىق جەدەل مەديتسينالىق كومەك كورسەتۋ اۋرۋحاناسى بيزنەس-رەيتينگ ۇلتتىق وداعىنىڭ ء(ازىربايجان، بەلارۋس، گرۋزيا، قازاحستان، رەسەي، ۋكراينا) انىقتاۋى بويىنشا ۇزدىك دەپ تانىلدى.

سونىمەن قاتار، ەلىمىزدىڭ دەنساۋلىق ساقتاۋ سالاسىنا قوسقان ۇلەسى ءۇشىن جانە ساپالى مەديتسينالىق كومەك كورسەتكەنى ءۇشىن «مەديتسينا ماقتانىشى» دەگەن قۇرمەتتى اتاققا يە بولدى.

ءبىزدىڭ دارىگەرلەر ۇلكەن جەتىستىكتەرگە جەتتى، وزدەرىن ناعىز مامان رەتىندە دالەلدەدى، حالىقارالىق دەڭگەيدە جۇمىس ىستەي الاتىندىقتارىن كورسەتە ءبىلدى. سەبەبى ەلىمىزدە ايماقتار اراسىندا العاش رەت وڭتۇستىك قازاقستان وبلىسىنىڭ دارىگەرلەرى بۇيرەك جانە باۋىر اۋىستىرۋ وپەراتسيالارىن ءساتتى جاسادى. ناتيجەسىندە مەديتسينا سالاسىندا تابىستى بولىپ، ىسكەرلىك بايلانىستارىن ارتتىردى. سونىمەن، دەنساۋلىق ساقتاۋ سالاسىنداعى رەيتينگتىڭ قورىتىندىسى بويىنشا اتالعان اۋرۋحاناعا ۇلتتىق سەرتيفيكات پەن «گيپپوكراتتىڭ ۇلى ءىزى» («ۆەليكوە ناسلەديە گيپپوكراتا») دەگەن مەدال بەرىلدى. ال وسى اۋرۋحانانىڭ باس دارىگەرى مادي حوجاۇلى بيعاليەۆ «مەديتسينا سالاسىنداعى ۇلەسى ءۇشىن» وردەنىمەن، ال دارىگەر رەانيماتولوگ-انەستەزيولوگ وڭالباي نارمانوۆ «سەزىمتال جۇرەك» («چۋتكوە سەردتسە») مەدالىمەن ماراپاتتالدى. سونىمەن بىرگە بىرنەشە دارىگەرگە «2015 جىلدىڭ ماماندارى» دەگەن ۇلتتىق سەرتيفيكات تابىس ەتىلدى.

وقو اكىمىنىڭ ءباسپاسوز قىزمەتى