باتىس اقپارات قۇرالدارىنىڭ جازۋىنا قاراعاندا، بەلگىسىز بىرەۋلەر ەڭ الدىمەن پاريجدەگى مەيرامحانالاردىڭ بىرىنە شابۋىل جاساعان.

سونداي-اق، فرانتسيا-گەرمانيا ماتچى ءوتىپ جاتقان "ستاد دە فرانس" ستاديونىنىڭ ماڭىندا دا جارىلىس بولىپتى. بۇل ويىندى كورۋگە فرانتسيا پرەزيدەنتى فرانسۋا وللاند تا كەلگەن كورىنەدى. مۇنان كەيىن لانكەستەر "باتاكلان" تەاترىندا 100 شاقتى ادامدى كەپىلگە العان. 

قازاقستان سىرتقى ىستەر مينيسترلىگى پاريجدە بولعان لانكەستىك اركەتتى قاتاڭ سىنايتىنىن ايتىپ، رەسمي مالىمدەمە جاسادى. ء"بىز فرانتسۋز حالقىنا، ەش جازىقسىز قازا تاپقانداردىڭ وتباسى مەن جاقىندارىنا كوڭىل ايتامىز، سونىمەن قاتار زارداپ شەككەندەردىڭ تەز ساۋىعىپ كەتۋىنە تىلەكتەسپىز", - دەپ مالىمدەگەن قر ءسىم ارنايى حابارلاماسىندا.

اتالعان حابارلامادا: "قازاقستان بۇۇ اياسىنداعى تەرروريزممەن جانە ەكسترەميزممەن كۇرەس ۇيىمى اياسىندا قولداۋ كورسەتۋگە دايىن ەكەنىن جاريالايدى، ادامزات بالاسى بىرىگۋ ارقىلى عانا وسى زۇلىمدىقتاردى جەڭە الادى. بۇل ماقساتقا جەتۋدىڭ ءبىر جولى بۇۇ اياسىنداعى الەمدىك انتيتەررورلىق جەلى مەكەمەسى بولۋى مۇمكىن", - دەلىنگەن. 

قر ءسىم مالىمەتىنشە، قازا تاپقانداردىڭ اراسىندا قازاقستاندىق ازاماتار جوق. "قر ءسىم "جەدەل تەلەفون جەلىسىن" ىسكە قوستى: +7717272111. "جەدەل تەلەفون جەلىسى" قازاقستاننىڭ پاريجدەگى ەلشىلىگىندە دە اشىلدى: +33 1 45 61 52 00. پاريجدەگى قازاقستان ازاماتتارىنا ادامدار كوپ جينالعان جەرلەردەن جۇرمەۋ كەرەكتىگى ۇسىنىلادى.

قازىر اتالعان جارىلىستاردى جاساعان بىرنەشە لانكەستىڭ كوزى جويىلعانى بەلگىلى بولىپ وتىر. ازىرگە پاريج پروكۋراتۋراسى تەرروريزم تۋرالى التى وقيعا بويىنشا ءىس قوزعادى. "تەرگەۋ "ستاد دە فرانس" (قازا بولعاندار بار), شارونن گۇلزارى (18 ادام قازا تاپتى), ۆولتەر گۇلزارى ء(بىر ادام قازا تاپتى), فونتەن-و-رۋا (5 ادام قازا تاپتى), الليبەر قالاسى (14 ادام قازا تاپتى جانە سونىمەن قاتار جاراقات العان كوپتەگەن ادام) وقيعالارىنا بايلانىستى جۇرگىزىلىپ جاتىر", - دەدى پروكۋرور.

"يسلام مەملەكەتى" ۇيىمى بۇل لاڭكەستىك ارەكەتتەردى ءوز موينىنا الدى...

(سۋرەتتەر rbc.ru سايتىنان الىندى).

Abai.kz