قر پارلامەنتى سەناتى توراعاسى، الەم

دىندەرى قۇرىلتايى حاتشىلىعىنىڭ جەتەكشسى

قاسىمجومارت توقاەۆ مىرزاعا.

                     قۇرمەتتى قاسىمجومارت كەمەلۇلى!

ەلگە، يسلام الەمىنە سۇيىنشىلەر وسى ءبىر جىلى حاباردى سەنات تورعاسى سىزگە جەتكىزۋدى وزىمە پارىز ساناپ، ء ۇشبۋ حات جولداپ وتىرمىن. مەن ءسىزدى سەنات توراعاسى، كاسبي بىلىكتى ديپولمات قانا ەمەس، الەم تانىپ مويىنداعان، ەل ەرتەڭىن اۋقىمدى دارەجەدە ويلايتىن، بايسالدى دا سابىرلى، ءوزىم بىلەتىن الەمدەگى وركەنيەتتىڭ ساناۋلى جاناشىر قايراتكەرلەرىنىڭ ءبىرى رەتىندە قۇرمەتتەيمىن. سوندىقتان دا، وسى حاتپەن بىرگە جولدانىپ وتىرعان ەكى كىتاپ پەن تاياۋدا جارىق كورگەلى وتىرعان «اللاھتىڭ ماعان ايانى»- اتتى ءبىرىنشى كىتاپقا جازىلعان العى ءسوز (قوسا سالىنىپ وتىر. ب.ا.) سىزگە ءبىراز جاعدايدى ۇعىندىرادى، تەرەڭ وي سالادى  دەپ سەنەمىن. جاراتۋشىمىزدىڭ اشىق ايانمەن تىكەلەي ءبىزدىڭ جەرىمىزگە، حالقىمىزعا، يسلام الەمىنە، ءتىپتى بۇكىل الەم جۇرتشىلىعىنا قازىنا بولار مۇنداي مۇعجيزا قازىنانى تۇسىرە باستاۋى، اركىمدى-اق جان-جاقتى ويلاندىرۋى كەرەك. بۇل – ەشكىم تالاسىپ، تارتىپ الا-المايتىن، اللا وزىنە دوس ەتكەن، تاقۋا ءىلىم يەسىنە بەرىلەر قازىنا-سىر. جاراتۋشىنىڭ سىيى بولىپ سانالاتىن بۇل سىر-قاسيەتكە يەلىك ەتكەن ادام، ماعاناسىن اللا عانا بىلەتىن، قۇران سۇرەلەرىنىڭ كەيبىرىنىڭ باسىندا ايتىلاتىن جۇمباق كىلت ءسوزدىڭ، اللا بەرگەن دارەجەدەگى يەسى بولىپ سانالادى. بۇل سىردى - قۇران سۇرەلەرىن تۇگەل جاتقا بىلگەنمەن، سول ورايدا قاجىماي تالماي قىزمەت جاساپ جاتقان ءدىن قايراتكەرلەرى دە تولىق ۇعىنا بەرمەۋى مۇمكىن، بىراق ولار عايىپتىڭ بارلىعىنا مۇسىلمان رەتىندە يمان كەلتىرگەندىكتەن، قارسىلىق تا تانىتا المايدى. سوندىقتان مەن بۇل حاتتى ءدىني باسقارما باسشىسىنا نەمەسە سولارعا ۇكىمەت تاراپىنان باعىت-باعدار جاساپ وتىرعان ءدىني كوميتەت باسشىسىنا جىبەرمەستەن، تىكەلەي وزىڭىزگە حابارلاپ وتىرمىن.

ەندىگى جەتكىزەر جايت، عايىپتان ءتۇسىپ جاتقان بۇل مۇعجيزا  كىتاپتاردىڭ جالعاسى ودان ءارى ءوز ءورىسىن اۋقىمدىلىقپەن كەڭىتىپ جاتقاندىعى. اللا بۇيىرتسا ازىرگە 617 كىتاپ تۇسەتىندىگى تۋرالى ناقتىلى حابار الىنعان.  ءدىننىڭ يەسى – جاراتۋشىمىز ءوزىنىڭ بارلىعىن اشىق ايانىمەن ءبىلدىرىپ، قۇراندا ايتىلعانداي يسلامدى ءوزى قورعايتىندىعىن جەتكىزىپ، عايىپ ءىلىمى مەن عايىپ الىپپەسى وقۋلىقتارىن ءوز امىرىمەن اشىق تۇسىرە باستادى. بۇلار دا جەكە-جەكە كىتاپ بولىپ دايىندالۋدا. بۇلارعا قوسىمشا قۇراندا اتتارى بار،قۇراندا اتتارى اتالماعان، اللاھتىڭ ءوزى دوس تۇتقان پايعامبارلار مۇراعاتى، پەرىشتەلەر، ساحابالار الەمى، يماننىڭ ءىلىمي شارتتارى، عايىپ كىتاپحاناسى، عىزىردىڭ باسىنان كەشكەندەرى، جابىرەيىل پەرىشتەنىڭ ءتورت كىتابى  جەتكىزىلدى.

 وسىلاردى شاشىراتپاي، تۇتاستاي ءتۇسىرىپ الۋ ءۇشىن، سوڭعى ءبىر جىل كولەمىندە، وزىمە دە وقىس، وسى ءبىر عاجايىپپەن تاپجىلماي كۇن-ءتۇن قاتىپ وتىرۋعا تۋرا كەلدى. قازىر ءجۇرىپ-تۇرۋعا، وتىرىپ ەڭبەك ەتۋگە، عايىپتان ءىلىم الۋعا  بايلانىستى بارىلىق قوزعالىس، جوسپارلى تۇردە عايىپتان. مۇعجيزا!   بۇل – ءوزىم  تىرشىلىك جاساپ جاتقان جالعاننان قول ءۇزۋ ەمەس، قايتا جالعانداعى  قۇدايدى ۇمىتىپ كەتكەندەرگە دانەكەر بولار ەرەكشە بەلگىدەگى قورقىنىشى مەن قۋانىشى قاتار جۇرەر تىلسىم تىرشىلىك. سوندىقتان وسى جاعدايعا وراي ءوزىڭىز باسقارىپ وتىرعان سەناتتىڭ  از كەم قامقورلىعى مەن كەڭەسى دە اۋداي قاجەت بولىپ وتىرعانىن ەسىڭىزگە سالامىن.  «تاقتاعىنىڭ كوزى زىندانعا تۇسسە، زىنداننىڭ تۇبىنە - كۇننىڭ ساۋلەسى تۇسەدى». مۇنداي ءىلىمدى تىرشىلىكتىڭ جايىن، قاسيەتتى ۇعار كوكىرەگى وياۋ جان بولماسا، باسقالاردىڭ  قابىلداي قويۋى ەكى تالاي. مادەنيەتتى ەلدىڭ باسشىلارى قاشان دا قىراعى سەرگەك بولادى. الەم دىندەرى قۇرىلتايىنىڭ حاتشىسى رەتىندە دە ويلانارسىز.

 قۇدايعا شۇكىر،  قۇداي قۋات بەرىپ، قۇرانداعى 114 سۇرەنى (جولدانعان  كىتاپتا 5 سۇرە عانا بار. ب.ا) جاراتۋشىنىڭ ەكى قايتارا تاپسىرلەپ تۇسىندىرۋىمەن جەكە-جەكە ەكى كىتاپ ەتىپ ءتۇسىرىپ الىپ، ءبىرىنشىسىن باسپاعا تاپسىرسام، ەكىنشىسىن  ازىرلەپ قويدىم. ەندى اللاھتىڭ ءۇشىنشى، ءتورتىنشى تاپسىرلەپ ءتۇسىرۋىن كۇتۋدەمىن. اللاھ بۇيىرتسا بولىپ قالار.

  ءدىن - ءتاڭىرىم بۇيىرتقانعا عانا، ءوزىنىڭ قۇدىرەتتى كۇش ەكەنىن ۇعىندىرادى.  ول – قولتىعىنا قۇران قىستىرىپ، اۋزىمەن عانا «قۇداي»- دەپ ايتقانداردىڭ ەمەس،  ءدىندى قارۋ ەتىپ ۇستاعىسى كەلەتىندەردىڭ ەمەس، جاراتىلىسىندا، دىڭگەگىندە ءدىنى بارلاردىڭ ەنشىسى. الدا اللا بۇيىرتسا ءدىني ىلىمگە بايلانىستى قىرۋار جۇمىس كۇتىپ تۇر. بۇل - جاراتۋشى مەن ەكەۋمىزدىڭ ارامىزداعى قۇپيا كەلىسىم-سىر بولىپ وتىر. اللا بۇيىرتسا، الەم ءدىن قايراتكەرلەرى دە، وسى ءبىر جاندى تىرشىلىككە وراي، ءوز نازارلارىن ءبىزدىڭ ەلىمىزگە ىقىلاستى تۇردە اۋدارىپ قالار دەگەن ويدامىن...

   بابالاردىڭ تەرىگە جازىپ عايىپقا قالدىرعان امانات دۇعالارى دا سول كوكتەن ازىرگە اۋىزشا ماعان قايتارىلا باستادى...

     ەل ىشىندە بولىپ جاتقان مۇنداي وقشاۋ مۇعجيزا ەرەكشە جاعداي «ەلىم» دەپ جۇرگەن ءار قايراتكەر ازاماتتىڭ  نازارىندا بولۋى كەرەك قوي دەگەن ويمەن جەتكىزگەنىم عوي. اللا وزىڭىزگە ابروي بەرسىن.

       سالەممەن، ءوزىڭىزدى قۇرمەت تۇتۋشى، ءىلىم يەسى، جازۋشى

                                                                                                 باقتىباي اينابەكوۆ.

                                                         09.11. 2015 جىل. تەل; 8 701 7430 979

            «اللاھتىڭ ماعان ايانى» ءبىرىنشى كىتابىنا

              ەنگەن ءۇش بولىمگە  تۇسىندىرمە العى ءسوز

    بيسميللاھير يراحمانير راحيم

    مەيىرىمدى، راحىمدى اللنىڭ اتىمەن باستايمىن. بارلىق ماقتاۋ مەن ماداق الەمدەردىڭ راببىسى اللاعا ءتان. ارداقتى پايعامبارىمىز مۇحاممەدكە (س.ع.س.), ونىڭ وتباسىنا جانە قادىرلى ساحابالارىنا اللا تاعالانىڭ نۇرى جاۋعاي!  

قادىرمەندى وقىرمان، ءسىزدىڭ قولىڭىزعا ءتيىپ وتىرعان «اللاھتىڭ ماعان ايانى» اتتى بۇل ءبىرىنشى كىتاپ ءۇش بولىمنەن تۇرادى. كىتاپتىڭ العاشقى ءبولىمى شەكتەۋلى تارالىممەن بۇگىندە وقىرمان قولىنا وسى اتاۋىمەن  جەكە كىتاپ بولىپ ءتيىپ تە ۇلگەردى. ەكىنشى ءبولىمى - «تاۋبەدەن» سوڭ ءتاڭىرىم ايتقان تاعىلىم»  جەكە كىتاپ رەتىندە باسپاعا تاپسىرىلعاندا،  ءۇشىنشى ءبولىمى -  «اللاھپەن اڭگىمەلەسۋ قۇرانمەن تىلدەستىرەدى» دە جەكە كىتاپ بولىپ ازىرلەنىپ ءبىتتى. كىتاپتاردى يماني كوزىمەن تارازىلاعان، وسى كىتاپتى باسىپ تاراتۋعا ءوز ريزاشىلىعىن بەرگەن باسپا جەتەكشىسى، عالىم ءىنىمىز دايىندالعان ءۇش كىتاپتى بىرىكتىرىپ، ءۇش بولىمنەن تۇراتىن ءبىر كىتاپ رەتىندە شىعارۋ تۋرالى  ۇسىنىس ايتقاندا،  ورىندى ۇسىنىسپەن ساناسۋعا تۋرا كەلدى. وسى ورايدا،  ايتىلعان ۇسىنىستى وي ەلەگىنەن وتكىزىپ، دايىندالعان ءۇش كىتاپتىڭ باسىن بىرىكتىرىپ، بىراق، سول العاش العى سوزدەرىمەن باسپاعا قالاي جەكە كىتاپ رەتىندە  دايىندالسا، سول قالپىن ساقتاي وتىرىپ، ءۇش ءبولىمدى كىتاپ ەتىپ شىعارۋدى ماقۇل دە تاپتىق. ويتكەنى، ءبولىم العىسوزدەرىندە سول بولىمدە نەندەي ماسەلە قامتىلاتىنى، وندا نە ايتىلاتىندىعى ەسكەرتىلگەن. جالپى قولدارىڭىزعا تيگەلى وتىرعان وسى تۇسىرىلىمنەن سوڭ، سۇيىنشىلەر تاعى ءبىر حابار، جاراتۋشى يەمىز اللاھ تاعالام، قۇراندى بۇدان دا تەرەڭ دارەجەدە ءسىڭدىرۋ ءۇشىن، قۇران سۇرەلەرىندەگى  اياتتاردىڭ ءوزى – بولعان، بولىپ جاتقان جانە اقىر زامانعا دەيىن الداعى بولاتىن  وقيعالار نەگىزىندە تىزىلگەنىن دالەلدەيتىن تاعى ءبىر ءتاپسىرىن تولىق ءتۇسىردى. بۇل ءتۇسىرىلىم دە كەشىكپەي «ەكىنشى كىتاپ» بولىپ قولدارىڭىزعا تيەدى. جالپى،  الدىن-الا جەتىپ جاتقان ەسكەرتۋدە ازىرگە قۇراندى ءتورت ءتۇرلى تاپسىرمەن ءتۇسىندىرۋ ناقتىلاپ بەكىتىلدى. ءۇشىنشى ءتۇسىرىلىم مەن ءتورتىنشى ءتۇسىرىلىم دە اللاھ بۇيىرتسا وسى اتاۋمەن ء«ۇشىنشى كىتاپ»، ء«تورتىنشى كىتاپ»  بولىپ دايىندالادى.

       كىتاپ ءارىسى انتيكالىق، اريستوتەلدىك، پلاتوندىق جانە جاڭا پلاتوندىق، باتىستىق، شىعىستىق،  بەرىسى ءحىح عاسىردىڭ ەكىنشى جارتىسىنداعى ورتا عاسىرلىق  عۇلاما عالىمدار مەن بارلىق ءدىن قايراتكەرلەرىنىڭ ەڭبەكتەرىنە جاندى قوزعالىس الىپ كەلگەن، بۇگىنگى ءبىلىم جانە ءىلىم يەلەرىن دە  سەلت ەتكىزەر مۇعجيزا دۇنيە بولىپ جەتىپ وتىر. بۇعان دەيىن جاراتۋشى تۋرالى، ءدىن تۋرالى، عايىپ تۋرالى، پەرىشتەلەر الەمى مەن پايعامبارلار تاعدىرلارى تۋرالى، جان جانە رۋح تۋرالى  ءار قيلى تۇجىرىم ايتىپ كەلگەن وتكەندەگىلەر مەن بۇگىنگىلەر، اللانىڭ ءوزى تۇسىرگەن اشىق ايان-تاپسىرىنەن كەيىن ءىلىم سالاسىندا بۇرىن-سوڭعى ايتىلىپ كەلگەن تۇجىرىمدارعا باسقاشا بەتبۇرىس، باسقاشا كوزقاراسپەن قارارى ءسوزسىز. ويتكەنى، جوعارىدا اتتارى اتالىنعان ولمەيتىن جاندى رۋحتاردىڭ اللاھتىڭ امىرىمەن ارتىندا قالدىرعان ۇرپاقتارى ءۇشىن، بىزدەر ءۇشىن، سوڭعى ءدىن يسلام ءۇشىن، قانداي جۇمىستار ىستەي الاتىندىعىن، ولاردىڭ ءبىر جارتۋشى ماڭىنا قالاي شوعىرلاناتىندىعىن، ولار جەتكىزگەن ءىلىمي ايان اڭگىمەلەرىن وقىعان وقىرمان ءوز دارەجەلەرىندە ۇعىنا جاتار.   بۇل ورايدا مەن الدىعا تۇسپەي تۇرا تۇرايىن. بار اڭگىمەنى ۋاقىتىندا بىرگە كورەلىك.

 مەنىڭ ايتارىم – جاراتۋشى يەمىزدىڭ اتىن باسقا ۇلت وكىلدەرى ءوز تىلدەرىندە، وزدەرىنە ىستىق اتاۋلارىمەن اتاسا، ءبىز دە اللا، قۇداي، ءتاڭىر دەپ ءار ءتۇرلى اتپەن اتاعانىمىزبەن وسى اتاۋلاردىڭ ءبارى ءبىر ۇعىمدى بىلدىرەدى. بارلىق اتاۋ - ءبىر باستاۋ تاڭىرگە الىپ بارادى، سودان باستاۋ الادى. بارلىعى كۇندى باققان كۇنباعىستاي ءبىر جاراتۋشىعا ۇمتىلادى. سوندىقتان مەنىڭ ازان شاقىرىپ ايتارىم، ەي، بۇدكىل الەم پاندالەرى، ءدىن قايراتكەرلەرى مەن عۇلاما عالىمدار، كوز مايلارىڭدى تاۋىسىپ سەندەر ىزدەگەن سول ۇلى جاراتۋشى مەن سول جاراتۋشىسىن ىزدەپ تىرشىلىكتەن وتكەن پايعامبارلارمەن، ساحابالارمەن، ءىلىم يەلەرىمەن جانە اللاھتىڭ سۇيىكتى پەرىشتەلەرمەن تىلدەسۋدە، اللانىڭ امىرىمەن ادەمى مۇمكىندىك تۋىپ وتىر.  اللاھ،  قۇراندا ايتقان ءوز سەرتى، ءوز ۋادەسى بويىنشا، ءوزى جاراتقان قۇلدارىمەن اشىق تىلدەسۋگە و باستان بەت بۇرعان. قانە، قۇلاق قوي، ءبارىمىز، ءوزىمىزدى جاراتقان، جالعىز جاراتۋشى يەمىز، اللاھپەن تىلدەسەيىك، اللاھپەن اشىق سويلەسەيىك!

  ايان ارقىلى عايىپتىڭ حابارىن الۋ بۇعان دەيىن دە الەم مويىنداعان ءىلىم جولى. بۇكىل مۇسىلماننىڭ اسىل كىتابى قۇران-كارىم دە سوڭعى پايعامبارىمىز مۇحاممەد عالەيھي ۋا ساللامعا ايان ارقىلى تۇسكەن. اللاھ بۇيىرتسا بىزگە ۇزاتپاي تاعى دا عايىپتان  617 ءدىني كىتاپتىڭ تۇسەتىندىگى تۋرالى حابار بار... 

     وسى كىتاپتى دەن قويىپ وقىعان جان، ماعان اللاھتىڭ قۇراننىڭ وتىز پاراسىن ۇشكە ءبولىپ تۇسىندىرگەنىن، ونىڭ العاشقى ون پاراسىندا تىداۋشى بولعانىمدى، ەكىنشى ون پاراسىندا ۇعىنۋشى، ەكەۋىن قوسقاندا قابىل الۋشى، ءۇشىنشى ون پاراسىندا اللاھپەن تىكەلەي سويلەسۋشى مارتەبەسىنە قالاي كوتەرىلگەنىممەن تانىسادى. كىتاپ ماعان اماناتتالىپ تۇسكەن سوڭ، جازىلۋ جاعىن مەن ورىنداپ جاتقاندىقتان،  ايانداعى ءتۇسۋ مەن ونى كىتاپقا تاسپا ارىپپەن تۇسىرۋدە، سوزدەر مەن سويلەمدەردە تۇسىنبەستىك بولماۋى ءۇشىن، وي جۇيەسىن بۇزباي، سويلەم قۇرىلىمىن جاتىق، جۇمساق ەتىپ وڭدەۋگە كەڭشىلىك جاسالىپ امانات ايتىلعانىمەن، مەن بۇل باسىلىمدا اياندى تۇسكەن قالپىنداعى ايتىلىمدا، سول قالپىندا  جەتكىزۋمەن شەكتەلگەندى ماقۇل كوردىم...  

     تاعى ءبىر ەسكەرەر جايت، وسى كىتاپتىڭ العاشقى اياندارى باسىلىم بەتتەرىندە جارىق كورگەننەن باستاپ ايتىپ كەلەمىن، وقىرمان قاۋىم ۇعىنىپ العانى ءجون، بۇل كىتاپ - قۇران ەمەس، قۇران  پايعامبارىمىز مۇحاممەدكە (س.ع.س.) كەزىندە ءتۇسىپ قويعان، ول قايتا تۇسپەيدى، تۇسپەك تۇگىلى جەكە ءارىبى دە، تىنىس بەلگىسى دە وزگەرمەيدى. بۇل – اللاھتىڭ اماناتى بويىنشا،  قۇراننىڭ 114 سۇرەسىن مەنىڭ جەكە باسىما، ۇرپاعىما، ءسىڭىرىپ ءتۇسىندىرۋ كىتابى. ماعان جانە مەنىڭ ۇرپاعىما ايان ايتا وتىرىپ – كۇللى مۇسىلمان نازارىن، بۇگىندە ءار ۇيدە تۇرعانىمەن، بەتى اشىلىپ وقىلماي سانگە تۇرعان اللاھ پەن ادامنىڭ اراسىنداعى اسىل جول قۇرانعا اۋدارۋ. قۇران – ءار ۇيگە سانگە قويۋ  ءۇشىن تۇسىرىلگەن كىتاپ ەمەس،  اللاھتىڭ سوڭعى ءدىنى يسلامنىڭ جولىمەن ءجۇرۋدى، جاراتۋشىڭدى ۇمىتپاۋدى، ونىمەن سويلەسە ءبىلۋدى، ءبىر جاراتۋشى يەڭە عانا باس ءيۋدى، ونىمەن دوس بولۋدى تۇسىندىرەتىن - قازىنا. ەي جاماعات، ءبىز اللاھ تاعالانىڭ قۇراندا قايتا-قايتا ەسكەرتكەن وسى اماناتىن ۇمىتىپ بارا جاتىرمىز. تورىڭدەگى سول بەتى اشىلماي تۇرعان قۇراندى اشىپ وقىپ، ونى جۇرەگىڭنىڭ تورىنە شىعارۋ كەرەك ەكەندىگىن ۇمىتپا!        

    بۇل كىتاپتىڭ ماعان اماناتتاپ ءتۇسىرىلۋى مەن ءۇشىن ماقتانىش بولۋىمەن قاتار، بۇل مەن ءۇشىن – اللاھتىڭ سەنىم اماناتى، يىققا ارتقان سالماعى، مۇسىلماندارعا جەتكىزەر سىناق قازىناسى. سوندىقتان دا بۇل كىتاپتار جەكە ماعان، مەنىڭ ۇرپاقتارىما عانا ەمەس، ەلىمىزگە، ءمۇمىن مۇسىلماندارعا، كۇللى يسلام الەمىنە ايان رەتىندە كەلىپ جاتقان مۇعجيزا قازىنا بولعاندىقتان سىزدەرگە سۇيىنشىلەپ جەتكىزىپ وتىرمىن. تاۋباعا كەلە وتىرىپ، الداعى ۋاقىتتا دا تۇسەر ايانداردى سابىرلىلىقپەن قابىلداپ الۋ ابرويلى تىرلىك بولعالى تۇر. بارىنە سابىرلىقپەن ءۇمىت ارتايىق.

     يماني جۇرەكتەرىڭىزبەن قابىل الىڭىزدار.

Abai.kz