قالا اكىمى گەرمانيادان كەلگەن دەلەگاتسيانى قابىلدادى. الەن قالاسىنىڭ باسشىسى جانە كونراد ادەناۋەر اتىنداعى قوردىڭ قازاقستانداعى جەتەكشىسى قالا اكىمى عابيدوللا ءابدىراحىموۆتىڭ قابىلداۋىندا بولدى. ارنايى قابىلداۋ بارىسىندا قوس تاراپتىڭ وكىلدەرى نەمىس تىلىندە ەركىن پىكىر الماسىپ، ەكى ەل اراسىنداعى بىرلەسكەن ءىس-شارالار جوباسى مەن ءوزارا ىنتىماقتاستىق بويىنشا بىرقاتار ماسەلەلەردى تالقىلادى.

شىمكەنتتە قوعامدىق ءتارتىپتى كۇشەيتۋگە باعىتتالعان مۋنيتسيپالدى پوليتسيا قىزمەتىن جاساقتاۋ تاقىرىبى دا ءسوز بولدى.

ءوز كەزەگىندە، عابيدوللا راحماتوللاۇلى ەكى ەل اراسىنداعى تىعىز قارىم-قاتىناس احۋالىن جوعارى باعالاپ، جەرگىلىكتى ءوزىن-ءوزى باسقارۋ سالاسىندا ۇيىمداستىرىلعان سەمينارعا ارنايى كەلگەنى ءۇشىن شەتەلدىك وكىلدەرگە العىس سەزىمىن جەتكىزدى.

سونداي-اق عابيدوللا ءابدىراحىموۆ تۇركيادان كەلگەن ينۆەستورلارمەن كەزدەستى

قالا اكىمى تۇركيانىڭ الماتىداعى باس كونسۋلى رىزاك احان يىلماز بەن ۆيتسە-كونسۋل الپەر التاي جəنە اتتاشە وسمان ەلگۋنمەن كەزدەستى. كەزدەسۋ بارىسىندا ەكى ەل اراسىنداعى ىنتاماقتاستىق پەن ءوزارا ارىپتەستىك قارىم-قاتىناس جايى ءسوز بولدى. تۇركيالىق ينۆەستورلاردىڭ ايتۋىنشا، قازاق-تۇرىك ەلدەرىنىڭ بىرلەسكەن ىسكەرلىك جوبالارى تەك ەكونوميكالىق تۇرعىدان عانا ەمەس، الەۋمەتتىك جاعىنان دا ۇلكەن مانگە يە.

ايتا كەتەيىك، تۇرىك ينۆەستورلارى العاش بولىپ شىمكەنت قالاسىنىڭ دامۋ كونتسەپتسياسىنا قىزىعۋشىلىق تانىتۋدا. قالا اكىمى شەتەلدىك ينۆەستورلاردى جاڭا زامان تالابىنا ساي قۇرىلاتىن «Shymkent city»  زاماناۋي تۇرعىن-ءۇي اۋدانىنىڭ جوبالىق سىزباسىمەن تانىستىردى. ءوز كەزەگىندە، تۇرىك ەلىنىڭ وكىلدەرى ەل اۋماعىندا تەڭدەسى جوق حالىقارالىق ۇلگىدەگى اكۆاپارك پەن "ديسنەي لەند" جوباسىنا ءوز تاراپىنان قاتىسۋعا دايىن ەكەندىگىن جەتكىزدى. قازاق ەلىنىڭ ءۇشىنشى مەگاپوليس قالاسى اتانۋعا تالپىنعان شىمكەنتتىڭ جارقىن كەلەشەگىن باعامداي كەلە، قوناقتار ءسوزىن «شىمكەنت – قازاقستاننىڭ گۇلدەنگەن، وركەندەگەن ءومىرىنىڭ سيمۆولى بولىپ قالا بەرەدى» - دەگەن جوعارى رۋحتى سوزدەرىمەن ءتامامدادى.

شىمكەنت قالاسى اكىمدىگى اپپاراتىنىڭ ءباسپاسوز-قىزمەتى

Abai.kz