بەيسەنبى, 28 ناۋرىز 2024
بيلىك 3992 0 پىكىر 11 قاراشا, 2015 ساعات 11:59

وقو: ونكولوگتار شەتەلدىك مامانداردان ءدارىس الماق


وڭتۇستىك قازاقستاندىق ونكولوگتار شەتەلدىك مامانداردان ءدارىس الماق، – دەپ حابارلايدى اباي-اقپارات وقو اكىمىنىڭ ءباسپاسوز قىزمەتىنە سىلتەمە جاساپ.

بۇگىن وڭتۇستىك قازاقستان وبلىسىنىڭ اكىمى بەيبىت اتامقۇلوۆ فرانتسيا ەلىنەن كەلگەن پروفەسسور گەنري بيسمۋت پەن مونعوليادان كەلگەن پروفەسسور چينبۋرەن دجيگجيدسۋرەندى قابىلدادى. 

ەكى ەلدىڭ بىلىكتى دارىگەرلەرىمەن كەزدەسكەن وبلىس باسشىسى ونكولوگيالىق اۋرۋلاردىڭ الدىن الۋ تاقىرىبىندا وي ءبولىسىپ، وڭىردەگى قاتەرلى ىسىكدەرتىنە شالدىققان ناۋقاستاردىڭ جاعدايىن جاقسارتۋ ماسەلەلەرى بويىنشا اڭگىمەلەستى.

وبلىستىق ونكولوگيالىق ديسپانسەرىنىڭ ماماندارىن ۇيقى بەزى مەن باۋىردىڭ قاتەرلى ىسىگىنە شالدىققان ناۋقاستاردى جوعارى تەحنولوگيالى ءادىس-تاسىلدەرمەن دياگنوستيكالاپ، ونى حيرۋرگيالىق جولمەن ەمدەۋگە ۇيرەتۋگە كەلگەن قوس پروفەسسور بۇل شەبەرلىك ساباقتارىن تەگىن جۇرگىزبەك. سونداي-اق، جيىندا اتالعان ديسپانسەردىڭ بازاسىندا گەپاتولوگيالىق ورتالىق قۇرىپ، باۋىر الماستىرۋ ءادىس-تاسىلدەرىن ەنگىزۋ جايى ايتىلدى.

گەنري بيسمۋت – باۋىر-ءوت جولدارى، ۇيقى بەزى حيرۋرگياسىنىڭ الەمدىك ساراپشىسى، فرانتسيا مەن ەۋروپادا باۋىر الماستىرۋ مەكتەبىنىڭ نەگىزىن قالاۋشى مامان.

پروفەسسور چينبۋرەن دجيگجيدسۋرەن وقو دارىگەرلەرىمەن 2 جىلدىق بىرلەسكەن جۇمىس ناتيجەسىندە 5 شەبەرلىك ساباعى وتكىزىلدى. موڭعوليالىق پروفەسسوردىڭ قاتىسۋىمەن شىمكەنتتە 30-دان استام وتا جاسالىپ، ۇيقى بەزى مەن باۋىر ىسىگىنە شالدىققان اۋرۋلارعا 120-دان استام كەڭەس بەرىلدى. 

ايتا كەتەيىك، قازاقستاندا جىل سايىن ۇيقى بەزى مەن باۋىردىڭ وبىرىنا شالدىققان مىڭعا جۋىق جاعداي تىركەلسە، سونىڭ توقسانعا جۋىعى وقو-عا تيەسىلى. بۇگىنگى تاڭدا، وبلىستىق ونكولوگيالىق ديسپانسەردە قاتەرلى ىسىك اۋرۋلارىمەن 11780 ناۋقاس تىركەۋدە. وسى جىلدىڭ 1 قاڭتارىنداعى مالىمەتكە سايكەس، وڭىردە 98 ادام باۋىر قاتەرلى ىسىگىمەن ەسەپتە تۇرسا، 75 ناۋقاس ۇيقى بەزىنىڭ وبىرىمەن كەزەكتە تۇر.

وبلىستىق ديسپانسەردە 2013 جىلى 9, 2014 جىلى 12, 2015 جىلى 9 باۋىر وتاسى جاسالىپ، باۋىردىڭ قاتەرلى ىسىگىنە 30-دان استام وپەراتسيا ۇيىمداستىرىلدى.

Abai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3512