"ازاتتىق" ءتىلشىسىنىڭ حابارلاۋىنشا، المالى اۋداندىق 2-سوتىندا ءوتىپ جاتقان سوت بۇگىن جابىرلەنۋشى تاراپ پەن جاۋاپكەر تاراپتىڭ جارىسسوزىنە ۇلاستى.

سوت الماتىداعى تيبەت مەديتسيناسى ورتالىعىنىڭ جەتەكشىسى جاسان زەكەيۇلىنىڭ شاعىمى بويىنشا ءوتىپ جاتىر. شاعىمدانۋشى "جاس الاش" گازەتىنىڭ شۋىعۋىن التى ايعا توقتاتىپ، وزىنە 400 ميلليون تەڭگە وتەماقى تولەۋدى تالاپ ەتەدى.

جاسان زەكەيۇلى سوتتان گازەتتىڭ شىعۋىن التى ايعا توقتاتۋدى، باسىلىم مەن تاعى ءۇش ادامعا جيىنى 400 ميلليون تەڭگە (1 ميلليون 500 مىڭ دوللارعا جۋىق - رەد.) وتەماقى تولەتۋدى سۇرايدى. ونىڭ ىشىندە "جاس الاش" گازەتىنە "تيەسىلى" سوما - 100 ميلليون تەڭگە (370 مىڭ دوللارداي اقشا - رەد.). شاعىمدانۋشى قالعان 300 ميلليون تەڭگەنى ءوزىنىڭ بۇرىنعى ايەلى، بۇرىنعى قايىن اتاسى جانە "جاس الاشتىڭ" ءبىر وقىرمانىنان تەڭدەي 100 ميلليوننان ءوندىرىپ بەرۋدى تالاپ ەتەدى. جاسان زەكەيۇلى گازەتتىڭ جازباشا تۇردە كەشىرىم سۇراۋىن دا تالاپ ەتكەن.

باسىلىمنىڭ ۇستىنەن سوت قازاننىڭ 12-ءسى كۇنى باستالعان.

اباي-اقپارات