ۋكراينا شەتەلدىكتەرگە اسكەري قىزمەت ەتۋگە رۇقسات بەردى
ۋكراينا پرەزيدەنتى پەتر پوروشەنكو شەتەل ازاماتتارىنا ۋكراينانىڭ قارۋلى كۇشتەرىندە قىزمەت ەتۋگە رۇقسات بەرەتىن زاڭعا قول قويدى. بۇل جونىندە پرەزيدەنتتىڭ ءباسپاسوز قىزمەتى حابارلادى.
وندا "وسىلايشا ۋكراينانىڭ قارۋلى كۇشتەرىنىڭ جاۋىنگەرلىك قابىلەتىن ارتتىرۋعا بولادى. مەملەكەت بىرنەشە مىڭداعان قابىلەت-قارىمدارى جوعارى جاۋىنگەرلەرگە قول جەتكىزەتىن بولادى" دەلىنگەن.
سونىمەن بىرگە بۇل اقپاراتتا كورسەتىلگەندەي، شەتەل ازاماتتارىن اسكەري قىزمەتكە تارتۋ ارقىلى ۋكراينا ازاماتتارىن اسكەرگە شاقىرۋ سانى ازايتىلادى ەكەن.
6 قازاندا جوعارعى رادا ۋكراينا قارۋلى كۇشتەرىنە شەتەل ازاماتتارىنىڭ قىزمەت ەتۋىنە رۇقسات ەتكەن بولاتىن.
اباي-اقپارات
