دۇيسەنبى, 16 قىركۇيەك 2019
نە دەيدى؟! 4077 0 پىكىر 30 قازان, 2015 ساعات 13:22

داداەۆ پۋتينگە ادالدىعىن سيريادا سوعىسىپ دالەلدەمەك


جاقىندا رەسەيلىك وپپوزيتسيونەر بوريس نەمتسوۆتى ءولتىردى دەگەن كۇدىكپەن قاماۋعا الىنعان زاۋر داداەۆ رەسەي پرەزيدەنتى ۆلاديمير ءپۋتيننىڭ اتىنا اشىق حات جولداعان. حاتتا زاۋر داداەۆ ءوزىنىڭ رف-عا ادال ەكەندىگىن ايتىپ،  پرەزيدەنتى  مەن وتانىنىڭ  الدىندا پاتريوت ەكەنىن  دالەلدەۋ ءۇشىن رف قارۋلى كۇشتەرىنىڭ ساپىندا سيرياداعى يم-گە قارسى اسكەري وپەراتسيالارعا قاتىسۋعا مۇمكىندىك بەرۋىن سۇراعان.  بۇل تۋرالى Abai.kz پورتالى  «ۆەرەميا» گازەتىنە سىلتەمە جاساي وتىرىپ حابارلايدى.


بوريس نەمتسوۆتى ولىمىنە كۇدىكتىلەردىڭ ءبىرى زاۋر داداەۆ ءوزىنىڭ رەسەي پرەزيدەنتىنە جولداعان حاتىندا «قۇرمەتتى پرەزيدەنت مىرزا، ماعان تاعىلعان ناقاق ايىپتاۋلارعا قاراماستان، مەن ءوزىمنىڭ وتانىما دەگەن پاتريوتتىعىمدى جانە سىزگە دەگەن  ادالدىعىمدى دالەلدەۋگە ءازىرمىن. ەگەر  قاجەت دەپ تاپساڭىز، مەن ءسىزدىڭ پوزيتسياڭىزدى قولداپ، سيرياداعى تەرروريستەرگە قارسى كومپانياعا قوسىلسام دەيمىن. سىزدەن ءوزىمنىڭ كىناسىز ەكەنىمدى دالەلدەۋگە مۇمكىندىك بەرۋىڭىزدى سۇرايمىن»، - دەگەن.

سونداي-اق، ول رف پرەزيدەنتى ۆلاديمير پۋتينگە الەمدەگى تەرروريزممەن كۇرەسى ءۇشىن ريزاشىلىعىن بىلدىرگەن.

باسىلىمنىڭ مالىمەتتەرىنە سۇيەنسەك، زاۋر داداەۆ پرەزيدەنتكە جولداعان حاتىندا ءوزىنىڭ بوريس نەمتسوۆ قازاسىنا ەشبىر  قاتىسى جوق ەكەنىن، ناقاق قامالعانىن ايتقان. ال كىنانى ءوز ەركىمەن مويىنداۋىن ول وزىنە كۇش قولدانىلعانى ارقىلى تۇسىندىرگەن.

«ەگەر مەن سول كەزدە كىنانى ءوز موينىما الماعاندا، ماعان جانە مەنىڭ وتباسىما قاۋىپ تونەتىن ەدى. سونىمەن قاتار، قۇزىرلى ورگان وكىلدەرى ماعان فيزيكالىق كۇش كورسەتىپ، مەنىڭ ۇلتتىق ۇستانىمدارىما، مەنتاليتەتىمە  جانە دىنىمە قايشى كەلەتىن شارالار قولداناتىن ەدى.  ەگەر تەرگەۋشىلەر ايتقانداي شارالاردى ءدال ماعان قولدانسا، مەن ارمەن قاراي ءومىر سۇرە المايتىن ەدىم. سوندىقتان امالسىزدان، پروتوكولعا قول قويىپ بەردىم. ەندى اقيقاتىن ايتاتىن ءسات كەلدى. ءبىزدىڭ ەلدىڭ قۇقىق قورعاۋشىلارى ءالى كۇنگە دەيىن شىن قىلمىسكەردى تابا الماعانى ما؟»، - دەيدى زاۋر داداەۆ.

ۇستىمىزدەگى جىلدىڭ ءساۋىر ايىندا زاۋر داداەۆ رەسەيلىك وپپوزيتسيونەر، ساياساتكەر بوريس نەمتسوۆتى ولتىرگەنىن مويىنداعانى تۋرالى اقپارات تاراعان بولاتىن.

زاۋر داداەۆ ءوزىنىڭ رف پرەزيدەنتىنە جولداعان حاتىن: «ەگەر مەن شەشەن بولسام، مەنىڭ قىلمىسكەر بولۋىم كەرەك دەگەن ءسوز ەمەس قوي. مەن ءوزىمنىڭ وسى ەلدىڭ پاتريوتى ەكەنىمدى ءومىر بويى ايتىپ كەلەمىن. مەن شەشەندەر دە رەسەيلىك ەكەنىن، وسى ەلدىڭ زاڭىنا باعىناتىنىن تالاي رەت دالەلدەگەن بولاتىنمىن. ەندىگىدە مەن ءوزىمنىڭ كىناسىز ەكەنىمدى، ەشقانداي ادامدى ولتىرمەگەنىمدى، ءوز وتانىما ادال ەكەنىمدى دالەلدەۋدىڭ جالعىز جولى – رەسەي ءۇشىن، وتانىم ءۇشىن مايداندا قازا تابۋ! ماعان وسى رەتتە مۇمكىندىك بەرۋىڭىزدى سۇرايمىن، قۇرمەتتى پرەزيدەنت مىرزا!»، - دەپ تۇيىندەگەن.

ايتا كەتەيىك، رەسەيلىك وپپوزيتسيا وكىلى، ساياساتكەر،  55 جاستاعى بوريس نەمتسوۆتى بەلگىسىز بىرەۋلەر 2015 جىلدىڭ 27-اقپانىندا كرەملدىڭ الدىندا اتىپ كەتكەن بولاتىن. قازىرگى تاڭدا، ساياساتكەر قازاسىنا قاتىسى بار دەگەن كۇدىكپەن 5 بىردەي شەشەن ازاماتى قاماۋعا الىنعان. تەرگەۋ ناتەجيەلەرى كورسەتكەندەي، نەمتسوۆقا وق اتقان – ءدال وسى زاۋر داداەۆ بولعان.

سونداي-اق، نەمتسوۆ قازاسىنا شەشەنستان رەسپۋبليكاسىنىڭ پرەزيدەنتى رامزان قادىروۆتىڭ جاقىن سەرىگى رۋسلان گەرەمەەۆتىڭ دە قاتىسى بار دەگەن كۇدىك راستالعان. ءتىپتى، كەيبىر دەرەكتەر  نەمتسوۆتى ولتىرۋگە تاپسىر بەرۋشى  – گەرەمەەۆ ەكەنىن كورسەتكەن.

ال ساياساتكەردىڭ قىزى جاننا نەتسوۆا اكەسىنىڭ قازاسىنا شەشەنستان پرەزمدەنتى رامزان قادىروۆتىڭ دا قاتىسى بار دەپ ەسەپتەيدى.

نۇرگەلدى ابدىعانيۇلى

Abai.kz

0 پىكىر