جەكسەنبى, 29 قاڭتار 2023
بيلىك 4235 0 پىكىر 30 قازان, 2015 ساعات 03:00

ماقتاارال اۋدانىندا "قىزدى قىرىق ۇيدەن تيۋ" اتتى شارا ۇيىمداستىرىلدى

جۋىردا  اۋداندىق «جاستار ورتالىعى» كوممۋنالدىق مەملەكەتتىك مەكەمەسى مەن «شاڭىراق» وتباسى كلۋبى «قىزدى قىرىق ۇيدەن تىيۋ» اتتى  تاربيەلىك–تاعىلىمدىق ءىس–شاراسىن وتكىزۋ جونىندە باستامانى قولعا الىپ، اتالعان ءىس-شارا اعىمداعى جىلدىڭ 12–21 قازان ارالىعىندا 1 جوعارى جانە 7 ورتا ارناۋلى وقۋ ورىندارىندا ۇيىمداستىرىلىپ وتكىزىلدى، - دەپ حابارلايدى اباي-اقپارات ماقتارال اۋدانى اكىمىنىڭ ءباسپاسوز قىزمەتىنە سىلتەمە جاساپ. 
بۇل ءىس–شارانىڭ ماقساتى قازىرگى تاڭداعى جاستارىمىز – قىز بالالارىنىڭ بويىنداعى مىنەز–قۇلىق، ءجۇرىس-تۇرىس، ۇلكەندەر الدىندا ءوز–وزىن ۇستاۋى، ءسوز سويلەۋ مانەرى سەكىلدى قىز بالالاردىڭ بويىندا قازاقى بولمىسىمىزعا ءتان قاسيەتتەردىڭ بولۋىن  تالداۋ–تالقىلاۋ، يماندىلىققا باۋلۋ، جاستاردىڭ وركەنيەتتى ەلىمىزدىڭ دامۋ تالابىنا ساي جان–جاقتى ازامات بولىپ قالىپتاسۋىنا ىقپال ەتۋ، عىلىم–بىلىمگە دەگەن قىزىعۋشىلىعىن ارتتىرۋعا باعىتتالدى. اتالمىش شارا ع.مۇراتباەۆ اتىنداعى جەتىساي گۋمانيتارلىق–تەحنيكالىق كوللەدجىنەن باستاۋ الدى. كەزدەسۋ الدىندا جاستارعا تاقىرىپ توڭىرەگىندە ساۋالناما پاراقشالارى تاراتىلدى. شاراعا تەك قىز بالالار عانا قاتىسىپ  قويماي، سونداي–اق، نازىك جاندىلار جايىندا  ءوز وي–پىكىرلەرىن بىلدىرۋگە نيەت بىلدىرگەن ەر بالالار دا قاتىستى. جۇمىسشى توپ قۇرامىندا قاتىسقان  انا جۇرەگى» قوعامدىق بىرلەستىگىنىڭ  ءتورايىمى، اۋداندىق ءماسليحاتتىڭ دەپۋتاتى، كاسىپكەر ەلميرا تەمىرباەۆا، اۋدان اكىمدىگى اپپاراتىنىڭ باس ينسپەكتورى  كاميرا ءومىرباي، سالاۋاتتى ءومىر سالتىن قالىپتاستىرۋ ورتالىعىنىڭ ۆالەولوگى روزا تاتيەۆا، اۋداندىق اجەلەر القاسىنىڭ ايجامال قوڭىرباەۆا سەكىلدى انالارىمىز جاستارعا ءوز اقىل-كەڭەستەرىن ايتىپ، قازاقي سالت-ءداستۇر، ادەت-عۇرىپتاردان ءدارىس بەرىپ، ومىردەن كورگەن-تۇيگەندەرىن ايتىپ، قىزداردى ادەمىلىك پەن ادەپتىلىككە، جات قىلىقتان اۋلاق بولىپ، ۇلگىلى بولۋعا، اتا–انانىڭ ءۇمىتىن اقتاۋعا شاقىردى.

ءىس-شارا ءبىرسارىندا ەمەس، جاستارمەن پىكىر الماسۋ تۇرىندە ءوتتى. تاقىرىپ «قىزدى قىرىق ۇيدەن تىيۋ» بولعاندىقتان قىرىق تىيىم جايىندا اۋديتورياعا اڭگىمەلەر، قىز بالاسىنا بايلانىستى ماقال–ماتەلدەر ايتىلدى. بۇل تاعىلىمى تەرەڭ كەزدەسۋلەر «سىرداريا» ۋنيۆەرسيتەتىندە، ماقتارال گۋمانيتارلىق-ەكونوميكالىق جانە اگروبيزنەس، №14, №15 كاسىپتىك، جەتىساي مەديتسينالىق، «جانىقۇل»، «مىرزاكەنت» كوللەدجدەرىندە بولىپ ءوتتى.

Abai.kz

0 پىكىر

ۇزدىك ماتەريالدار

انىق-قانىعى

جاقيانوۆ: ماعان اشىق جالا جابۋعا كىرىستى...

عالىمجان جاقيانوۆ 3164
ايقاي

ەلدە ۇلتتىق يدەولوگيا وتە ءالسىز...

بەيسەنعازى ۇلىقبەك 1927