بىردە شالعاي ءبىر اۋداندا باۋكەسپە ۇرىلار جەرگىلىكتى بانكتى توناپتى. بىرەۋى كىرەبەرىستە تۇرىپ ايعاي ساپتى: «قيمىلداماڭدار! اقشا بانكتىكى. ال، ءومىر وزدەرىڭدىكى!» بانكتىڭ ىشىندەگىلەر ءلام-ميم دەمەي جەرگە جاتا كەتەدى.

بۇل ءسوز ءومىر تۋرالى پىكىردى قالاي وزگەرتەتىنىن كورسەتتى. ءبىر ايەل ادەيىلەپ ۇستەلدىڭ ۇستىنە ەكى بۇتىن ايقارا اشىپ جاتىپتى. بىراق ۇرى وعان: «بۇل توناۋ. زورلاۋ ەمەس. دەنەڭدى بوس ۇستا» دەپتى.

بۇل اككى قىلمىسكەردىڭ تەك ءوز ماقساتىن عانا كوزدەيتىنىن كورسەتەدى.

توناپ بولعان سوڭ قاشادى. قاشىپ بارا جاتىپ ەڭ جاس ۇرلىقشى (ونىڭ دا ءوزىنىڭ اكادەميالىق دارەجەسى بار) ارالارىنداعى باستاۋىش مەكتەپتى ازەر بىتىرگەن قاريالارىنا ايتادى دەيدى: «ەي، شال، قانشا العانىمىزدى ساناساق قايتەدى؟» دەپ. شال وعان قاتۋلانىپ: «اقىماق بولما، ساناپ وتىرارلىقتاي ەمەس، بۇل قوماقتى اقشا. جاڭالىقتاردا بانك قانشا جوعالتقانىن ايتادى ەرتەڭ» دەيدى.

بۇنىڭ اتى تاجىريبە – بۇگىنگى تاڭدا تاجىريبە دارەجەدەن ارتىق.

توناۋشىلار قارا باتىرعان سوڭ بانكتىڭ ديرەكتورى ەسەپشىسىن شاقىرىپ الىپ، پوليتسياعا حابارلاتادى. ەسەپشى وعان: «توقتاي تۇر، ۇرلانعان سوماعا وتكەن ايدا جىمقىرعان 5 ميلليوندى قوسايىق، ولاردى دا ۇرلاپ كەتتى دەلىك» دەپتى.

بۇنىڭ اتى – كەز كەلگەن مۇمكىندىكتى پايدالانۋ.

ەرتەسى جاڭالىقتاردا بانكتىڭ 100 ميلليونعا تونالعانى تۋرالى اقپار بەرىلدى. ۇرىلار توناعان اقشالارىن ساناپ، تەك 20 ميلليون ەكەنىنە كوز جەتكىزەدى.

ۇرىلار ءوزارا كۇڭكىلدەي باستايدى: «بانكتىڭ يەسى كىرپىك قاقپاستان 80 ميلليوندى قىمقىرىپ قالدى عوي، ءا؟ بۇلاي باۋكەسپە ۇرى بولا بەرگەنشە جۇيەنىڭ قالاي جۇمىس ىستەيتىنىن زەرتتەۋ كەرەك ەكەن» دەپتى.

بۇنىڭ اتى – كۇش - بىلىمدە! بانكتىڭ ديرەكتورى ابدەن رازى ەدى. اسىرەسە، بيرجادا جوعالتقان قارجىسىن ۇرىلارعا جابا سالعانىنا ءدان ريزا. بۇل تاۋەكەل ەتۋدەن قورىقپاۋ دەگەن ءسوز. ادامعا تاپانشا بەرسەڭ، بانك تونايدى. بانك بەرسەڭ، ءبارىڭدى تونايدى!

اۋدارعان شىنار ءابىلدا

Facebook-تەگى پاراقشاسىنان