سەيسەنبى, 23 شىلدە 2024
بيلىك 4449 0 پىكىر 26 قازان, 2015 ساعات 03:00

ماقتاارالدا قازاق حاندىعىنىڭ 550 جىلدىعىنا ارنالعان ۆەلو-شەرۋ ءوتتى

جۋىردا  قازاق حاندىعىنىڭ 550 جىلدىعىنا وراي اۋداندىق ىشكى ساياسات ءبولىمىنىڭ «جاستار ورتالىعى» كوممۋنالدىق مەملەكەتتىك مەكەمەسىنىڭ  ۇيىمداستىرۋىمەن  مەملەكەتتىك  قىزمەتكەرلەر  مەن  جاستاردى  بۇقارالىق  سپورت  ارقىلى  بىرىكتىرۋ  ماقساتىندا اۋدان تۇرعىندارى اراسىندا سىبايلاس جەمقورلىقتىڭ الدىن الۋعا، ادال ەڭبەك ەتۋدى ناسيحاتتاۋعا، اۋداندا  مەملەكەتتىك  جاستار  ساياساتىن  جۇزەگە  اسىرۋ، سپورت  تۇرلەرىن  وسكەلەڭ  ۇرپاققا  دارىپتەۋ، جاستاردىڭ بوس ۋاقىتىن ءتيىمدى پايدالانۋ جانە  سالاۋاتتى  ءومىر  سالتىن  ناسيحاتتاۋعا  باعىتتالعان  «ادال جول – چەستنىي پۋت!»  اتتى  ۆەلوشەرۋ  بولىپ  ءوتتى.

ۆەلوشەرۋدى  اۋدان  اكىمىنىڭ ورىنباسارى ا.ەسەنبەكوۆ  اشىپ بەردى. وبلىستان كەلگەن قوناق قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتىنىڭ كونسۋلتانتى ب.قاراتاەۆ تا ءوزىنىڭ قۇتتىقتاۋ لەبىزىن ءبىلدىردى.     
ۆەلوسيپەدتەرىن قومداپ، جۇرۋگە  دايىن  تۇرعان  قاتىسۋشىلاردىڭ  كوزدەگەنى  جۇلدە  ەمەس، سالاۋاتتى  ءومىر  سالتىن  ناسيحاتتاۋعا، ءاردايىم ۇستانىپ جۇرۋگە، اۋدانىمىزدا  ۆەلوسپورتتىڭ  كەڭىنەن  دامۋىنا  دەگەن قۇلشىنىسى ايقىن اڭعارىلىپ تۇردى.                                                                    

ۆەلوشەرۋ جەتىساي قالاسىنداعى ورتالىق «جەڭىس» الاڭىنان باستاۋ الىپ، ۆەلوشاباندوزدار قالانىڭ قوجانوۆ، امانگەلدى، ياسساۋي، دايراشەۆ  كوشەلەرى  بويىمەن 8 شاقىرىمدىق  جولدى جارتى  ساعاتتا ءجۇرىپ ءوتتى. ۆەلوشەرۋ كەزىندە ىشكى ىستەر قىزمەتكەرلەرى مەن اۋداندىق  ەمحانا  قىزمەتكەرلەرى قاتىسۋشىلاردىڭ قاۋىپسىزدىگىن  قامتاماسىز  ەتۋ  ماقساتىندا  سپورتشىلارمەن  بىرگە  ارنايى  اۆتوكولىكتەرىمەن باعىت بويىنشا ءجۇرىپ  وتىردى.                                                                                                            

اۋدان  اكىمىنىڭ  ورىنباسارلارى  ءا.ءابجانوۆ، ا.ەسەنبەكوۆ، مادەنيەت جانە تىلدەردى دامىتۋ ءبولىمىنىڭ باسشىسى ا.تىلەسوۆ، دەنە شىنىقتىرۋ  جانە  سپورت ءبولىمىنىڭ باسشىسى ج.تاتەەۆ باستاعان جانە 150-گە جۋىق ءتۇرلى مەكەمە  قىزمەتكەرلەرى مەن اۋدان جاستارى قاتىسقان  اۆتوشەرۋدىڭ مارە سىزىعى  قايتا ورتالىق «جەڭىس» الاڭىندا كەسىلدى. ءىس-شارا سوڭىندا بەلسەندى قاتىسقاندارعا ەستەلىك سىيلىقتار مەن ارنايى ديپلومدار تابىس ەتىلدى. 

گ.سۇلتانوۆا، ماقتارال اۋدانىنىڭ جاستار ورتالىعىنىڭ ادىسكەرى

Abai.kz


0 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1376
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2167
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2195