تۇلكىباس اۋدانى، ت.رىسقۇلوۆ اۋىلى، ب.مومىشۇلى كوشەسى №184 ءۇي تۇرعىنى اسەت ارمان ايتماحانۇلى، 17.03.2015ج. بوتەننىڭ مۇلكىن ءىرى مولشەردە جىمقىرۋ، الداۋ نەمەسە سەنىمدى تەرىس پايدالانۋ جولىمەن، الاياقتىق قىلمىستىق ارەكەتتەرىن جۇزەگە اسىرۋ ماقساتىندا تۇلكىباس اۋدانىنىڭ تۇرعىنى از-شا ز.يزگيباەۆانىڭ سەنىمىنە كىرىپ، «سامۇرىق-قازىنا» اق-دا جۇمىس ىستەيتىن تانىستارى ارقىلى «تومەنگى پايىزبەن 6 000 000 تەڭگە كولەمىندە نەسيە الىپ بەرەمىن»-دەپ، ءىرى مولشەردە الاياقتىق جولمەن 1 250 000 تەڭگە اقشاسىن الىپ ءوز پايداسىنا جاراتىپ جىبەرگەن.

كۇدىكتى ا.اسەت ءوزىنىڭ قىلمىستىق ارەكەتتەرىن ودان ءارى جالعاستىرىپ، تۇلكىباس اۋدانىنىڭ تۇرعىنى از-شا س.سۋگيراليەۆانىڭ سەنىمىنە كىرىپ، 02.04.2015ج. ودان دا «سامۇرىق-قازىنا» اق-دا جۇمىس ىستەيتىن تانىستارى ارقىلى «تومەنگى پايىزبەن 6 000 000 تەڭگە كولەمىندە نەسيە الىپ بەرەمىن»-دەپ، ءىرى مولشەردە الاياقتىق جولمەن 1 250 000 تەڭگە اقشاسىن الىپ ءوز پايداسىنا جاراتقان.

اتالعان دەرەك بويىنشا اۋداندىق ءىىب-ءنىڭ تەرگەۋشىسى س.داۋدبەكوۆپەن  ا.اسەتكە قاتىستى قر قك-ءنىڭ 190 بابىنىڭ 3 بولىگىنىڭ 1,3 تارماقتارىمەن قىلمىستىق ءىس قوزعالعان.

اتالعان قىلمىستىق ءىس بويىنشا پروتسەسس پروكۋرورى تۇلكىباس اۋدان پروكۋراتۋراسىنىڭ پروكۋرورى ب.بايماعامبەتوۆ ايقىندالعان.

تۇلكىباس اۋداندىق ءىىب-ءنىڭ تەرگەۋشىسى س.داۋدبەكوۆپەن ءىس بويىنشا ءبىر قاتار تەرگەپ-تەكسەرۋ امالدارى جۇرگىزىلىپ،  ناتيجەسىمەن 03.08.2015 جىلى قىلمىستىق ءىس ايىپتاۋ اكتىسىمەن اۋداندىق پروكۋراتۋراسىنا ءتۇسىپ، 10.08.2015 جىلى تۇلكىباس اۋداندىق سوتىنا نەگىزىنەن قاراۋ ءۇشىن جولدانعان.

تۇلكىباس اۋداندىق سوتىنىڭ 26.08.2015ج №1-111 ساندى ۇكىمىمەن ا.اسەت قر قك-ءنىڭ 190 بابىنىڭ 3 بولىگىنىڭ 1 تارماعىمەن كىنالى دەپ تانىلىپ، وعان وسى باپ بويىنشا 3 جىل مەرزىمگە باس بوستاندىعىنان ايىرۋ جازاسى تاعايىندالىپ، قازاقستان رەسپۋبليكاسىنىڭ قىلمىستىق كودەكسىنىڭ 63 بابىن قولدانىپ، جازاسى شارتتى جازا دەپ ەسەپتەلگەن.

تۇلكىباس اۋداندىق سوتىمەن 26.08.2015 جىلى اۋدان پروكۋراتۋراسىنىڭ پروكۋرورى، پروتسەسس پروكۋرورى ب.بايماعامبەتوۆ، سوتتالۋشى ا.اسەتكە قاتىستى قىلمىستىق ءىسىن قاراۋ بارىسىندا ءوزىنىڭ قىزمەتتىك مىندەتتەرىنە ادال قاراپ، قاداعالاۋدى دۇرىس ۇيىمداستىرىپ، سوتتالۋشىنىڭ قىلمىستىق قۇقىقبۇزۋشىلىق جاساۋداعى كىنالىلىگىن دالەلدەۋ مىندەتىن جوعارى دارەجەدە ورىنداعانى ءۇشىن ماراپاتتاۋ تۋرالى جەكە قاۋلى قابىلدانعان.

 ا.پاشاەۆ، تۇلكىباس اۋدانىنىڭ پروكۋرورى اعا ادىلەت كەڭەسشىسى  

Abai.kz