رەسەي قورعانىس ءمينيسترىنىڭ ورىنباسارى رەسەيدىڭ تاجىك-اۋعان شەكاراسىن باقىلاۋدى قايتا قولعا الۋ مۇمكىندىگىن العا تارتتى. يۋري بوريسوۆ بۇل جونىندە 15 قازاندا استانادا «رەيتەرس»  اگەنتتىگىنە بەرگەن سۇحباتىندا ايتتى.

ول ماسەلە ەكى مەملەكەت باسشىلارى دەڭگەيىندە شەشىلەتىنىن، قازىرگى جاعدايعا بايلانىستى ءبارى مۇمكىن دەدى.

ۆلاديمير پۋتين مەن ەمومالي راحمون 6 قازاندا سوچيدە وتكەن كەزدەسۋلەرى كەزىندە تاجىك-اۋعان شەكاراسىنداعى قاتەردى تالقىلاعان بولاتىن. كەزدەسۋ قورىتىندىسىندا رەسەيدىڭ تاجىكستانعا اسكەري كومەك بەرۋگە نيەتتى ەكەندىگى ايتىلعان. الايدا بۇل جەردە رەسەي اسكەري كۇشتىڭ تاجىك شەكاراسىنا قايتا ورالۋى ماسەلەسى ايتىلمادى. رەسەي شەكاراشىلارى تاجىكستاننان 2005 جىلى تولىقتاي كەتكەن بولاتىن.