بۇگىن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ كوشى-قونى جانە جۇمىسپەن قامتىلۋى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ماجىلىستە قارالىپ جاتقان زاڭ جوباسىنا ارنالعان جۇمىس توبىنىڭ ون التىنشى وتىرىسى ءوتتى.

وسىمەن جۇمىس توبىنىڭ وتىرىسى نەگىزىنەن اياقتالدى. زاڭ جوباسى، اللا قالاسا، وسى اپتانىڭ ىشىندە ءماجىلىستىڭ جالپى وتىرىسىنا ەكىنشى وقىلىمعا ۇسىنىلادى. ودان ارى سەنەتقا...

اتالمىش زاڭ جوباسىنىڭ قانداستارىمىزدىڭ تۇراقتى تىركەۋگە تۇرۋىنا ارنالعان قولايلى جاقتارى كوپ. ءبىز ۇسىنعان ۇسىنىستار تولىعىمەن ماقۇلداندى. ەڭ باستىسى، وسى جالدىڭ 2-تامىزىنان باستاپ، قر ىشكى ىستەر ءمينيسترىنىڭ №315 بۇيرىعىمەن «شىعۋ پاراعى» قىتايدان كەلەتىن قانداستارىمىزدان تالاپ ەتىلمەيتىن بولدى.
ءبىر عانا «اتتەگەن-اي» - «سوتتىلىققا بايلانىستى» انىقتاما بولىپ تۇر. بىراق، بۇل ماسەلە جونىندە دە امالدار قاراستىرىلۋدا. ۇكىمەت ۇسىنعان رەداكتسيا بۇرىنعىعا قاراعاندا ەداۋىر جەڭىلدەۋ. 
ەستەرىڭىزدە بولسا، جۇمىس توبىنىڭ الدىڭعى ءبىر وتىرىسىنا قر ىشكى ىستەر ءمينيسترىنىڭ ورىنباسارى ەرلان تۇرعىنباەۆتىڭ ءوزى كەلىپ، «سوتتىلىق» تۋرالى قىتاي زاڭىمەن تانىسقان بولاتىن. ول دەپۋتاتتارعا «قر ىشكى ىستەر مينيسترلىگى سىرتقى ىستەر مينيسترلىگى ارقىلى قازاقستانداعى قىتاي ەلشىلىگىنىڭ قابىلداۋىن سۇراپ، حات جازامىز. سول كەزدەسۋدە ەلشىلىكتەن بۇل ماسەلە تۋرالى سۇرايمىز. ەگەر قىتاي جاعى شىنىمەن دە «سوتتىلىق» تۋرالى انىقتاما بەرمەيتىن بولسا، ءبىز بۇل انىقتامانى قىتايدان كەلەتىن قازاقتاردان تالاپ ەتپەيمىز» - دەپ، ۋادە بەرگەن. 
بۇگىن دە ۇعىستىق، قازىر سول جۇمىس ءوز تارتىبىمەن ءجۇرىپ جاتىر. اللا، قالاسا، ءبارى شەشىلەدى دەگەن سەنىمدەمىز.
قانداستارىما سابىر تىلەيمىن!

اۋىت مۇقيبەك