اقش مەملەكەتتىك دەپارتامەنتى سارسەنبى كۇنى رەسەي ۇشاقتارىنىڭ سيرياعا سوققىسىنىڭ 90 پايىزى «يسلام مەملەكەتى» نە بولماسا ء«ال-قايدا» ۇيىمىنا قارسى باعىتتالماعان دەپ مالىمدەدى. بۇل -  اقش-تىڭ رەسەيلىك ۆۆس-كە قاتىستى ۇسىنعان ءبىرىنشى رەسمي ستاتيستيكاسى. 

مەملەكەتتىك دەپارتامەنتتىڭ ءباسپاسوز-حاتشىسى دجون كيربيدىڭ سوزىنشە، «اۋە سوققىلاردىڭ باستى نىسانى سيريا ۇكىمەتىنىڭ رەجيمىنە قارسى وپپوزيتسيالىق توپتارعا باعىتتالعان. «اساد بۇرىنعىشا رەسەيدەن قولداۋ تاۋىپ، وپپوزيتسيا مەن حالقىنا قايعى اكەلىپ وتىر. بۇل سيريانىڭ بولاشاعىنا ەشقانداي جاقسىلىق اكەلمەيدى. كرەمل ءبىز وسىعان دەيىن ايتقانداي، ۇلكەن قاتەلىك جاساپ وتىر. ول سيريانى ەكىگە جارىپ عانا قويماي، رەسەيدىڭ جاعدايىن ودان سايىن اۋىرلاتىپ وتىر. بۇل وتە قاۋىپتى ساياسات»، - دەدى دجون كيربي.

سارسەنبى كۇنى تۇركيانىڭ پرەمەر-ءمينيسترى احمەت داۋىتوگلۋ رەسەيدىڭ اتقان زەڭبىرەكتەرىنىڭ تەك ەكەۋى عانا «يسلام توبىنا» باعىتتالعانىن حابارلاعان بولاتىن. ول 57 رەسەيلىك اۋە سوققىسىنىڭ 55-ءى تۇركيا مەن اقش قولدايتىن وپپوزيتسياعا قارسى جاسالدى دەدى.    

اباي-اقپارات