جۇما, 29 ناۋرىز 2024
دەپ جاتىر 4864 0 پىكىر 7 قازان, 2015 ساعات 15:01

مەملەكەتتىك ءتىلدىڭ مەرزىمارالىق ەسەبىن تالاپ ەتتى

ەلباسىمىزدىن بۇۇ-دا قازاق تىلىندە سويلەۋى جاقسى جالعاسىن تابۋدا. بۇگىن پارلامەنتتە «اق جول» دەموكراتيالىق پارتياسىنىڭ توراعاسى ازات پەرۋاشەۆ قازاق تىلىندە دەپۋتاتتىق ساۋال جولدادى.

دەپۋتاتتىق ساۋال 

قر پرەمەر-ءمينيسترى ك.ق.ماسىموۆكە

قۇرمەتتى كارىم قاجىمحانۇلى!

بۇكىل الەمگە بەلگىلى بولعانداي، بيىلعى جىلى 27 قىركۇيەكتە قر پرەزيدەنتى نۇرسۇلتان نازارباەۆ بىرىككەن ۇلتتار ۇيىمىنىڭ باس اسسامبلەياسىندا قازاق تىلىندە بايانداما جاساعانى تاريحي وقيعا رەتىندە باعالانىپ جاتىر.  قازاق تىلىندەگى بايانداما حالىقارالىق  التى تىلگە اۋدارىلدى. ەكونوميكالىق داعدارىس كۇشەيىپ، بۇكىل دۇنيە دۇبىرلەپ  تۇرعاندا،  الەمدىك كۇردەلى ماسەلەلەردى كەسىمدى دە، شەشىمدى تۇردە ءتۇيىنىن ءتۇيىپ ايتۋ، الەمنىڭ بۇكىل مەملەكەت باسشىلارىنا قۇنارلى قازاق سوزىمەن قۇيىپ ايتۋدىڭ باعاسىن ەشنارسەمەن سالىستىرۋعا بولماس…

قازاق ءتىلىن بۇكىل الەم تىڭدادى!  تاۋەلسىزدىگىمىزدىڭ 24-ءشى جىلىندا ەلباسىمىز قازاقشا جاساعان باياندامانىڭ سەبەبىن:

ء“بىزدىڭ ءتىلىمىز دۇنيەجۇزىنە ەستىلسىن، قۇلاقتارىنا ءسىڭسىن دەپ ويلادىم. ارى قاراي جىلجىتا بەرەمىز. مەن ادەيى سولاي جاسادىم. سوندىقتان  مەن ايتقاننان كەيىن مەنەن كەيىنگى ءبىزدىڭ باسشىلار   سولاي سويلەيدى دەپ سەنەمىن!”، – دەپ ءتۇسىندىردى.

ءيا، قازاق ءتىلىن الەمنىڭ 193 پرەزيدەنتى تىنداعانى – ۇمىتىلمايتىن ءسات! ءتىلىمىزدىڭ الەمگە تانىلعان كۇنى ەلباسىنىڭ قازاق حاندىعىنىڭ 550 -جىلدىعىنا تاماشا تاريحي سىيلىعى بولدى دەپ بىلەمىز!

ال،  ەندى مەملەكەتتىلىكتىڭ سيمۆولى بولىپ تابىلاتىن مەملەكەتتىك ءتىلدىڭ كونستيتۋتسياعا ساي  دارەجەدە دامي بەرۋى ءۇشىن تەك ەلباسىمىزدىڭ   ەرەكشە ەرلىك ەڭبەگىنە عانا قاراپ، وتىرا بەرۋگە بولادى ما؟ ۇكىمەت مۇشەلەرى، پارلامەنت دەپۋتاتتارى، مەملەكەتتىك قىزمەتكەرلەر مەن قوعام وكىلدەرىنىڭ بارلىعى مەملەكەتتىك تىلدە سويلەگەن پرەزيدەنتىمىزدەن ۇلگى الۋعا ءتيىس.

سول سەبەپتەن، اق جول فراكتسياسى مەملەكەتتىك ءتىلدىڭ كونستيتۋتسياعا ساي بولۋى جانە تىلدەر تۋرالى زاڭىمىزبەن تىلدەردى دامىتۋدىڭ  2011-2020 جىلدارعا ارنالعان مەملەكەتتىك باعدارلاماسىنا سايكەس جۇمىستاردى  ىسكە اسىرۋ تۋرالى ۇكىمەتتەن مەرزىمارالىق ەسەبىن بەرۋدى سۇرايدى.

سونىمەن قاتار،  بۇعان مەملەكەتتىك ورگاندارمەن بىرگە ساياسي پارتيالار مەن قوعامدىق ۇيىمدار، ءار قازاقستاندىق ءوز ۇلەسىن قوسۋعا مىندەتتى. اسىرەسە،  بۇۇ-نىڭ قازاقستاندىق ۇلگىسى اتالىپ جۇرگەن قازاقستان حالقى اسسامبلەياسى ءوزىن كورسەتەتىن كەز كەلدى. وسىلايشا ەلباسى باستاماسىن قازاقستاندىق اسسامبلەيامىز جالعاستىرىپ، پرەزيدەنتىمىز  ايتقانداي، “مەملەكەتتىك ءتىل – ۇلت بىرلىگىنىڭ باستى فاكتورى” ەكەنىن ىسپەن دالەلدەيدى دەگەن سەنىمدەمىز.

ءوز تاراپىنان، “اق جول” پارتياسى ءوزىنىڭ ساياسي باعدارلاماسىندا دا باسا نازار اۋدارعانداي، مەملەكەتتىك ءتىلىمىزدىڭ دامۋىنا ەلباسىمىزبەن بىرگە ەلىمىزدىڭ ءاربىر ازاماتىن جەكە ۇلەسىن قوسۋعا شاقىرادى.

قۇرمەتپەن،  «اق جول» پارتياسى فراكتسياسىنىڭ دەپۋتاتتارى

ءتۇپ-نۇسقاداعى تاقىرىپ: قازاق ءتىلىمىزدىڭ الەمگە تانىلعان كۇنى – ەلباسىنىڭ قازاق حاندىعىنىڭ 550-جىلدىعىنا تاماشا تاريحي سىيلىعى بولدى – ازات پەرۋاشەۆ

qazaquni.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610