پۋتين رەسەيدىڭ سيريا اۋماعىندا سوعىسۋ ويى جوق ەكەنىن مالىمدەدى.

كرەمل سيريا اۋماعىندا جانە قانداي دا ءبىر ەلدە ەشقانداي اسكەري وپەراتسياعا قاتىسپايدى. ازىرگە ءدال مۇنداي جوسپارىمىزدا جوق. وسىلاي دەپ رەسەي پرەزيدەنتى ۆلاديمير پۋتين CBS تەلەارناسىنا بەرگەن سۇحباتىندا ايتتى. بۇل سۇحبات بۇۇ باس اسسامبلەياسىنىڭ سەسسياسى اياسىندا اقش پرەزيدەنتى باراك وبامامەن كەزدەسپەستەن بۇرىن جاريالاندى.

رەسەي ليدەرى سونىمەن بىرگە «يسلام مەملەكەتى» ەكسترەميستىك ۇيىمىنىڭ قۇرامىندا ەكى مىڭعا جۋىق بۇرىنعى پوست سوۆەتتىك ەلدەردىڭ ازاماتى سوعىسىپ جۇرگەنىن ايتتى. «ولاردىڭ ەلدەرىنە ورالۋىن كۇتكەنشە، مەملەكەتتىك اسكەري قۇرىلىمداردى كۇشەيتىپ، تەرروريزممەن كۇرەسۋ كەرەك»، - دەدى ۆلاديمير پۋتين.

ۆاشينگتون ءوز كەزەگىندە رەسەيدىڭ سيريادا اسكەري الەۋەتىن ارتتىرۋىنا الاڭدايدى. پۋتين مەن رەسەي  بيلىگىندەگى باسقا دا وكىلدەر بۇعان دەيىن رەسەي «يسلام مەملەكەتى» ەكسترەميستىك توبىمەن كۇرەس ءۇشىن سيريا پرەزيدەنتى باشار اساد اسكەرىن دايىندىقتان وتكىزىپ، قارۋ-جاراق جەتكىزىپ جاتقانىن مالىمدەگەن. 

اباي-اقپارات