قوعامدا ۇلكەن قوزعالىس تۋدىرعان qazaquni.kz  ۇلتتىق پورتالىنداعى “جاندى داۋىس” بوتقاشوۋى باياننىڭ بايانسىز جارناماسى ما? “  ماقالاسىنا بايلانىستى بايان ەسەنتاەۆانىڭ جاۋابى ينستاگرامدا جاريالانىپتى.

بايان حانىم   كىشكەنتاي جاۋابىندا ۇلكەن كەمشىلىگىن كورسەتىپ الىپتى…

بىرىنشىدەن، بايان حانىمنىڭ: …درۋزيا پروچتيتە ستاتيۋ، اۆتور وچەن حوتەل وبراتيت نا سەبيا ۆنيمانيە!”-دەپ كەكەتەتىنىندەي،  بۇل ماقالانىڭ جاريالانۋى  بەلگىلى تەلەجۋرناليست، تەلەارنانىڭ تەرەڭ بىلگىرى،  قالامگەر ارمان سقابىلۇلىنىڭ  كىناسى ەمەس، ويتكەنى ول كىسى تەك قانا  qazaquni.kz  ۇلتتىق پورتالىنداعى  ساپار ءالىنىڭ   “جاندى داۋىس” بوتقاشوۋى باياننىڭ بايانسىز جارناماسى ما؟ “حابار” ارناسى بايان ەسەنتاەۆانىڭ رەسەي تىلىندەگى جارنامالىق شوۋى ءۇشىن جۇمىس ىستەي مە؟” اتتى ماقالاسىن http://www.qazaquni.kz/?p=40592  فەيسبۋك پاراقشاسىندا كوبەيتكەن جۇزدەگەن ادامنىڭ ءبىرى عانا. ياعني، qazaquni.kz  سايتىنداعى ماقالا اۆتورى – ساپار ءالى، ارمان سقابىلۇلى ەمەس…  بۇل ماقالانى qazaquni.kz  سايتىندا ەكى كۇندە 8 مىڭنان اسا ادام وقىپ، 80-نەن اسا پىكىر جازىلعانىنا، “قازاق ءۇنى” گازەتى  مەن “اباي.كز”، “گۋ-گۋ.كز”،   ت.ب. اقپاراتتىق پورتالدارى مەن “جۇلدىزدار قۇپياسى” جۋرنالى مەن سايتى كوشىرىپ باسقانىنا قاراپ، ەلدىڭ بۇل بوتقاشوۋعا قاتتى “قارنى اشىپ-اق”، ءتىسىن قايراپ جۇرگەنىن بايقاۋعا بولادى.

ال ارمان سقابىلۇلىنا  وزىنە نازار اۋدارتۋ ماقسات ەمەس، ول بۇگىنگى باياننىڭ بوتقشوۋلارىنىڭ جارناماشىسى بولىپ وتىرعان “حابار” ارناسىنىڭ باستاۋىندا تۇرعان، ارنانىڭ حالىقتىق ارناعا اينالۋىنا     ون جىلداي داريعا نازارباەۆامەن بىرگە ماڭداي تەرىن توككەن، تالاي جىل  سالماقتى ساراپتاما جاساعان سارابدال جۋرناليست. ارماندى  ونسىز دا قازاقستاندىقتاردىڭ ءبارى جاقسى تانيدى.

 ەكىنشىدەن، بايان ەسەنتاەۆانىڭ  نەگىزگى تۇپنۇسقا ماقالا مەن ونى ءبولىسۋشى فەيسبۋك پاراقشاسىنداعى جازبانى ايىرا المايتىنى بەلگىلى بولدى. ياعني، نەگىزگى قازاق تىلىندەگى ماقالانى وقۋعا ينتەللەكتۋالدىق تا، تەحنيكالىق تا ساۋاتى جەتپەگەنى كورىنىپ تۇر.

ۇشىنشىدەن، بايان ءوزىنىڭ “جاندى داۋىس” باعدارلاماسىن qazaquni.kz  سايتىنىڭ “بوتقاشوۋ” دەپ اتاعانىنا نامىستانعان ءتۇرى بولسا كەرەك،  “كاشا بۋدەت رازنايا، ي سلادكايا ي سوليونايا” -دەپ سوعىپتى. ءيا، بايان حانىم، بوتقانىڭ ءتۇرى كوپ. قازاقتىلدى حاباردى رەسەي تىلىمەن بوتقا جاساپ جۇرگەن ءسىزدىڭ بوتقانىڭ ءتۇرىن كوپ بىلەتىنىڭىزگە ءتىپتى كۇمانىمىز جوق. بىراق “ەتكە تاپسىرىس الىپ، بوتقا جاساپ بەرۋ” دەگەننىڭ  قانداي قيانات ەكەنىن،  قازاقتىلدى ميلليونداعان اۋديتوريانى قورلاۋ ەكەنىن ءبىر ءسات ويلانىپ كوردىڭىز  بە ەكەن… ياعني، اتام قازاق ايتقانداي، تۇلپاردىڭ جەمىن جەپ، تايدىڭ جۇمىسىن ىستەۋ عوي بۇل…

تورتىنشىدەن،   ينستاگرامنىڭ كوبىسى كۇندە ءشاي ىشكەنى مەن  وتىرعان-تۇرعانىن سالاتىن، ساعىزىن شايناپ وتىراتىن سانسىز قولدانۋشىسىنان ەليتالىق الەۋمەتتىك جەلى فەيسبۋكتىڭ سانالى وقىرماندارىنىڭ اراسى جەر مەن كوكتەي. مۇندا ينستاگرامداعى باس-اياعى جوق بەس ءجۇز مىڭ ادامنىڭ ورنىنا  ىرىكتەلىپ، تاڭداپ، تالعاپ الىنعان بەس مىڭ ادام ۇلكەن ءرول اتقارادى. وسى فەيسبۋكتىڭ وزىندە qazaquni.kz  “جاندى داۋىس” بوتقاشوۋى باياننىڭ بايانسىز جارناماسى ما؟”  ماقالاسىن جانە بۇل ماقالانى قولداپ، “حالىق تالابىنا جاۋاپ بەرە المايتىن  مۇنداي بوتقاشوۋلاردى توقتاتۋ كەرەك”  http://www.qazaquni.kz/?p=40613  دەپ وتكىر ءۇن قوسقان كورنەكتى قالامگەر-ساياساتكەرلەر دۋلات يسابەكوۆ، دوس كوشىم، مارات توقاشباەۆ، ايگۇل ىسماقوۆا، ارمان سقابىلۇلى جانە ت.ب.  ماقالالارىن ارقايسىسىندا كەمىندە 5 مىڭ ادامى بار 200-دەن اسا فەيسبۋك پاراقشاسى يەسى كوشىرىپ باسىپ،  500-گە جۋىق پىكىر جازىلۋىنا قاراپ-اق ەلدىڭ 90 پايىزى “حاباردىڭ” “جاندى داۋىسىنا”  جان-تانىمەن قارسى ەكەنىن بىلۋگە بولادى.

ياعني، تاۋەلسىز ەلدىڭ، مەملەكەتتىك ءتىلدىڭ نامىسىن قورعاۋشىلار قازاقتىلدى حاباردى قورلاۋشىلاردان بۇل بوتقاشوۋدى توقتاتۋدى تالاپ ەتەدى. ول ءۇشىن اشىق حات جازىلىپ، قول جينالىپ جاتقانىن، قولداۋشىلاردا ەسەپ جوق ەكەنىن مالىمدەيمىز.

سونىمەن، ءسوزدىڭ توقەتەرى – نە بايان ەسەنتاەۆا رەسەي تىلىندە ەمەس، تاۋەلسىز قازاقستاننىڭ مەملەكەتتىك ءتىلى – قازاق تىلىندە سويلەسىن، نە قازاق حالقىنىڭ ونسىز دا جارالى دا، جاندى جاراسىن تىرناپ وتىرعان “جاندى داۋىس” حابارى توقتاتىلسىن!

تۇپنۇسقاداعاى تاقىرىپ:

جاندى جارامىزدى تىرناپ وتىرعان “جاندى داۋىس” حابارى توقتاتىلسىن ! 

دەرەك كوزى: “قازاق ءۇنى” گازەتى – Qazaquni.kz ۇلتتىق پورتالى