ءيا، التىنمەن اپتالىپ، كۇمىسپەن كۇپتەلگەن نەشە ءتۇرلى زاڭ شىعارۋعا جانە ونى ورىنداماۋعا ابدەن بولادى. مىسالى، قازاق ءتىلى تۋرالى قابىلدانعان زاڭدارعا قاتىستى وسىلاي دەمەسكە امال كەم. نەگە دەسەڭىز، مەملەكەتتىك ءتىل تۋرالى زاڭ شيرەك عاسىر شەگىندە تولىق ورىندالاعان جوق.

كونستيتۋتسياعا سايكەس، قازاقستان رەسپۋبليكاسىنىڭ مەملەكەتتىك ءتىلى – قازاق ءتىلى (7-باپتىڭ 1-تارماعى), الايدا اتا زاڭداعى بۇل باپ تا اياققا تاپتالۋدا. اتا زاڭنىڭ مەملەكەتتىك ءتىل تۋرالى تالابى مەن زاڭ نورمالارىن باسقا ەمەس، الدىمەن بيلىكتىڭ ءوزى مويىنداعان ەمەس. تاۋەلسىز قازاستان رەسپۋبليكاسىندا ءالى كۇنگە ءىس قاعازدارى، رەسمي جيىندار، زاڭ جوبالارى، سوت قىزمەتى، مەملەكەتتىك باسقارۋ جۇمىسى تەك ورىس تىلىندە عانا «سويلەيدى». بيزنەستىڭ ءتىلى دە وزگە ەلدىڭ تىلىندە.

ال، قازاق ءتىلى اۋىل ءۇيدىڭ اينالاسى مەن اۋىز ەكى قولدانىستىڭ شەگىندە قالۋدا. ەگەر بيلىك ءبىزدىڭ بۇل ءسوزىمىزدى تەرىس دەپ تاپسا، مىنا زاڭعا ءبىر ەرت كوز سالسىن:

4-باپ. قازاقستان رەسپۋبليكاسىنىڭ مەملەكەتتiك تiلi قازاقستان رەسپۋبليكاسىنىڭ مەملەكەتتiك تiلi - قازاق تiلi. مەملەكەتتiك تiل - مەملەكەتتiڭ بۇكiل اۋماعىندا قوعامدىق قاتىناستاردىڭ بارلىق سالاسىندا قولدانىلاتىن مەملەكەتتiك باسقارۋ، زاڭ شىعارۋ، سوت iسiن جۇرگiزۋ جانە iس قاعازدارىن جۇرگiزۋ تiلi. قازاقستان حالقىن توپتاستىرۋدىڭ اسا ماڭىزدى فاكتورى بولىپ تابىلاتىن مەملەكەتتiك تiلدi مەڭگەرۋ - قازاقستان رەسپۋبليكاسىنىڭ ءاربiر ازاماتىنىڭ پارىزى. ۇكiمەت، وزگە دە مەملەكەتتiك، جەرگiلiكتi وكiلدi جانە اتقارۋشى ورگاندار: قازاقستان رەسپۋبليكاسىندا مەملەكەتتiك تiلدi بارىنشا دامىتۋعا، ونىڭ حالىقارالىق بەدەلiن نىعايتۋعا; قازاقستان رەسپۋبليكاسىنىڭ بارشا ازاماتتارىنىڭ مەملەكەتتiك تiلدi ەركiن جانە تەگiن مەڭگەرۋiنە قاجەتتi بارلىق ۇيىمداستىرۋشىلىق، ماتەريالدىق-تەحنيكالىق جاعدايلاردى جاساۋعا; قازاق دياسپوراسىنا انا تiلiن ساقتاۋى جانە دامىتۋى ءۇشiن كومەك كورسەتۋگە مiندەتتi. قازاقستان رەسپۋبليكاسىنىڭ ءتىل تۋرالى زاڭى قازاقستان رەسپۋبليكاسىنداعى تiل تۋرالى 1997 ج. 11 شiلدەدەگى № 151-I قازاقستان رەسپۋبليكاسىنىڭ زاڭى 2008.21.11.

Abai.kz