وتكەن سەنبىدە «گاككۋ» تەلەارناسى ۇيىمداستىرعان «گاككۋ داۋىسى» كونتسەرتىنە «قازنەت جۇلدىزى» اتانعان «مس سايلاۋبەك» دەگەن رەپەر شىقتى. وزگە تۇگىلى، ءوزى دە تۇسىنبەيتىن بەلگىسىز تىلدە «رەپەرلەتكەن» سايلاۋبەكتىڭ تانىمال انشىلەرمەن بىرگە ساحناعا شىققانى كوپشىلىكتى تاڭ-تاماشا قالدىردى.

ەڭ الدىمەن سايلاۋبەكتىڭ اتىنا تىركەلگەن «مس» (ەم-سي) دەگەن قوس ءارىپ نەنى بىلدىرەدى؟ ينتەرنەت يىرىمىندە بەرىلگەن انىقتاماعا قاراعاندا، «مس» رەپەرلەر تىلىندە – سۋىرىپسالما ءانشى. ياعني، رەپ-مۋزىكانىڭ جەتەگىمەن الەۋمەتتىك تاقىرىپتا ولەڭ ء(ان) وقيتىن ادام.

 ال الماتىداعى الىپ ساحناعا بۇل «سۋىرىپسالما» قايدان شىعا قالدى؟ ول جاعى «گاككۋ داۋىسى» جوباسىنىڭ اۆتورلارىنا عانا ءمالىم ءجايت بولسا كەرەك. دەسەك تە، سايلاۋبەكتىڭ پروديۋسەرى «استانا» تەلەارناسىنا بەرگەن سۇحباتىندا رەپەر رەسپۋبليكا كولەمىندە گاسترولگە شىعاتىنىن ايتتى. «ەسىكتەن كىرىپ، ءتور مەنىكى» دەگەن سايلاۋبەك كىم ەدى؟

ء«وزى قاراپايىم جىگىت بولعاندىقتان، جۇرەگى تازا، كوڭىلى اق، كىشىپەيىل قىزداردى ۇناتادى. قازىرگى تاڭدا ساكەڭنىڭ باسى بوس. سونداي قىز تابىلىپ جاتسا، دۇركىرەتىپ توي جاساۋعا دايىن»، – دەيدى سايلاۋبەكتىڭ پروديۋسەرى. ءتىپتى تويعا ءتيماتيدى شاقىرۋ جوسپاردا بار ەكەن.

وسىلايشا، ءانشى بولۋدى ارماندايتىندار ءبىر-اق كۇندە ءبىر كونتسەرتپەن «جۇلدىز» بولىپ شىعا كەتەرىنە كوز جەتتى. ال ونداي «كولدەنەڭ كوك اتتىنى» تانىمال ەتكەن كىم؟ ارينە، تالعامى تاياز تەلەارنالار!

سودان سوڭ ونەردى قادىر تۇتۋى ءتيىس تانىمال جۇلدىزدار «كوك اتتىمەن» قاتار ساحناعا شىعۋعا ارلانۋى كەرەك قوي! جوق، ءبىزدىڭ بەتكە ۇستار انشىلەرىمىز بۇگىندە «كوشە جۇلدىزدارىمەن» دۋەت ايتۋعا دا كەت ءارى ەمەس. كۇنى كەشە كوشە كەزگەن اتىراۋلىق ازامات ءوزىن «جۇلدىز» ساناماسا دا، وعان دەگەن شوۋ-بيزنەس وكىلدەرىنىڭ كوزقاراسى باسقاشا سىڭايلى. ءۇش-ءتورت اي بۇرىن تىڭدارماندارىنا توپتىڭ تارالاتىنىن ايتىپ، كەيىن ونى جوققا شىعارعان «وردا» توبى دا ىرىلداق رەپەرمەن ءان ايتۋدى ارماندايتىن كورىنەدى.

ول – ول ما، «ەم-سي»-مەن قوسىلىپ ءان ايتۋعا كەزەكتە تۇرعان تانىمال انشىلەر دە جەتەرلىك.

ال تانىمال جاس اقىن اقبەرەن ەلگەزەك ءوزىنىڭ «Facebook» پاراقشاسىنا: «مس سايلاۋبەك» جوباسى – بۇگىنگى قوعامنىڭ ازىپ-توزعان، قۇلدىراپ كەتكەن رۋحاني سۇرانىسى» دەپ جازىپتى. بۇل ەندى شىندىققا قوڭسى پىكىر بولسا كەرەك...

جانسايا ەرتاي

«وبششەستۆەننايا پوزيتسيا»

(پروەكت «DAT» №31 (302) وت 17 سەنتيابريا 2015 گ.