اتىراۋداعى جيىن كەزىندە پرەزيدەنت نۇرسۇلتان نازارباەۆ ساۋات مىڭباەۆتىڭ العىستان باستالعان بايانداماسىن ءبولىپ تاستاپ، ايماقتا جۇزەگە اسىپ جاتقان ماڭىزدى مۇناي جوبالارى تۋرالى ايتۋدى تالاپ ەتتى.

بۇل تۋرالى Today.kz-كە سىلتەمە جاساپ NUR.KZ حابارلايدى.

«قازمۇنايگاز» ۇلتتىق كومپانياسىنىڭ باسقارما باسشىسى ساۋات مىڭباەۆ ءوز بايانداماسىندا 2,7 ميلليارد دوللار كولەمىندەگى ترانش ءۇشىن نازارباەۆقا العىس ايتا باستاعان.

«سەنىڭ بارلىق ءسوزىڭ تەك العىس ايتۋ عانا بولىپ تۇر. بىرەسە بيلىككە، بىرەسە… ودان دا قازىرگى جاعدايدى ايت. ينۆەستورلارمەن قالاي جۇمىس ىستەپ جاتسىڭدار؟ «شەۆروندى» دامىتۋ ماسەلەسى قالاي بولىپ جاتىر؟ «قاشاعان» نە بولدى؟»، – دەدى مىڭباەۆتىڭ ءسوزىن بولگەن پرەزيدەنت.

«مەن تەك الەۋمەتتىك ماڭىزدارى جونىندە ايتقىم كەلگەن… “تەڭىز شەۆرويل” تۋرالى ايتار بولسام، بولاشاق دامىتۋ جوبالارى 38 ملرد دوللارعا شىقتى. سودان سوڭ، قازىرگى جاعدايدا بارلىق مەردىگەرلەرمەن بيۋدجەتتى قىسقارتۋ تۋرالى كەلىسسوز جۇرگىزۋ تۋرالى شەشىم قابىلداندى. جۇمىس كەلەسى جىلدىڭ مامىرىنان باستالادى دەپ كۇتىلۋدە. تشو اكتسيونەرلەرى جوبا ىسكە اسادى دەپ سەندىردى»، – دەدى مىڭباەۆ.

وسىدان سوڭ، پرەزيدەنت ساۋات مىڭباەۆقا ناقتى تاپسىرما بەردى.

«مىنە، «قازمۇنايگاز»، بيلىك جانە مينيسترلىك  تشو-مەن بىرلەسىپ وسى جۇمىستاردى اتقارۋ كەرەك»، – دەپ اتاپ ءوتتى ەلباسى.

سونىمەن قاتار، ەلباسى سولتۇستىك-كاسپي جوباسى بويىنشا اكتسيونەرلەردىڭ شاعىمىن ايتتى.

«مەن Eni باسشىلىعىمەن سويلەستىك. ولار بىزدە كەلىسىمنىڭ جوقتىعىن ايتتى. بارلىعىن بىرىكتىرەتىن ورگان جوق ەكەن. مۇنى نە بيلىك، نەمەسە «قاشاعان» اكتسيونەرلەرىنىڭ ءبىرى رەتىندە قمگ اتقارۋ كەرەك. ۆلاديمير سەرگەەۆيچ (ەنەرگەتيكا ءمينيسترى ۆلاديمير شكولينيك – nur.kz), مۇنىمەن اينالىساتىن سەن ەمەس پە؟» ، – دەدى پرەزيدەنت.

ۆلاديمير شكولنيك كومپانيالار مەن ورگانداردىڭ ءبىر ماقسات ءۇشىن جۇمىس ىستەيتىنىنە سەندىردى.

اباي-اقپارات