پاريجدەگى «ديسنەيلەندتە» قوس تاپانشا مەن قۇران الىپ جۇرگەن ەر ادام ۇستالدى.

پوليتسيا ونىڭ ساۋىق ساياباعىنداعى قوناقۇيگە توقتاعانىن انىقتادى. قارۋ مەن قۇران مەتالل ىزدەگىشتىڭ دابىلىنان كەيىن قوناقتى ءتىنتۋ كەزىندە تابىلعان. ەر ادامنان الىنعان قۇجات بويىنشا، ول پاريج تۇرعىنى سانالادى.

پوليتسيا ازىرگە ۇستالعان ادامدى تەررورلىق شابۋىل جاساۋدى جوسپارلادى دەپ ايتا المايدى. كۇدىكتىنىڭ ءوزى قارۋدى جەكە باسىنىڭ قاۋىپسىزدىگى ءۇشىن الىپ جۇرگەنىن ايتقان. فرانتسۋز استاناسىنان 30 شاقىرىم جەردەگى پاريج «ديسنەيلەندى» ەۋروپاداعى ەڭ تانىمال ويىن-ساۋىق ساياباقتارىنىڭ ءبىرى. 2014 جىلى وعان 10 ميلليونعا جۋىق ادام كەلگەن. فرانتسيادا بىلتىرعى جىلدىڭ قاراشاسىندا 130 ادامنىڭ ءومىرىن قيىپ كەتكەن پاريجدەگى شابۋىلدان سوڭ قاۋىپسىزدىك ءتارتىبى كۇشەيتىلگەن.

Abai.kz