جۇما, 29 ناۋرىز 2024
جاڭالىقتار 4056 0 پىكىر 28 قاڭتار, 2016 ساعات 12:41

سيريا وپپوزيتسياسىنان كەلىسسوزگە قاتىسۋدى تالاپ ەتتى

اقش مەملەكەتتىك دەپارتامەنتى سيريا وپپوزيتسياسى جەنەۆاداعى بەيبىت كەلىسسوزگە قاتىسۋدىڭ تاريحي مۇمكىندىگىن جىبەرىپ الماۋى كەرەك جانە ول جەرگە ەشقانداي تالاپسىز كەلۋلەرى قاجەت دەپ مالىمدەدى.

"وپپوزيتسيالىق فراكتسياعا جەنەۆاعا كەلىپ، سوعىستى كەلىسسوزدەر جۇزىندە توقتاتۋعا ۇلەس قوساتىن تاريحي مۇمكىندىگى بار. ولار مۇنى ەشبىر تالاپسىز ورىنداۋلارى قاجەت", - دەدى مەملەكەتتىك دەپارتامەنتتىڭ ءباسپاسوز حاتشىسى مارك تونەر.

ۆاشينگتوندا سويلەگەن سوزىندە تونەر "سيريالىق وپپوزيتسيا بۇل مۇمكىندىكتى پايدالانىپ، باشار اساد جۇيەسىنىڭ كەلىسسوزگە قانشالىقتى دايىن ەكەنىن تەكسەرىپ، كيكىلجىڭدە قاي تاراپتىڭ شىن مانىندە سيرياداعى جاعدايدىڭ بەيبىت ساياسي كەزەڭگە وتۋگە نيەتتى ەكەنىن الەم الدىندا دالەلدەۋلەرى ءتيىس",- دەپ اتاپ ءوتتى.

سوڭعى ەكى جىلدان بەرى سيرياداعى ازاماتتىق سوعىستى توقتاتۋ جونىندە وتكەلى جاتقان ءبىرىنشى كەلىسسوزدىڭ بولۋىنىڭ ءوزى ماسەلە بولىپ تۇر. سەبەبى سارسەنبى كۇنى وپپوزيتسيا ەگەر بۇۇ ولاردىڭ ازاماتتىق اۋداندارعا شابۋىل جاساۋدى توقتاتۋ جونىندەگى تالاپتارىنا جاۋاپ بەرمەسە، كەلىسسوزگە قاتىسپايتىندىقتارىن مالىمدەدى. 

سيريا ۇكىمەتى 29 قاڭتاردا جەنەۆادا بەلگىلەنگەن كەلىسسوزگە قاتىسۋعا كەلىسىمدەرىن بەردى. بەس جىلدان بەرى جالعاسىپ كەلە جاتقان سيرياداعى ازاماتتىق سوعىستا 250 مىڭ ادام قايتىس بولعان.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3624