پرەزيدەنت قىزىن پرەزيدەنت اپپاراتىنىڭ باسشىسى ەتتى
تاجىكستان پرەزيدەنتى ەمومالي راحمون 27 قاڭتاردا ۇلكەن قىزى وزودا ەموماليدى پرەزيدەنت اكىمشىلىگىنىڭ باسشىسى ەتىپ تاعايىندادى دەپ حابارلايدى ازاتتىقتىڭ تاجىك رەداكتسياسى.
وزودا ەمومالي بۇعان دەيىن سىرتقى ىستەر ءمينيسترىنىڭ ورىنباسارى قىزمەتىن اتقارعان.
پرەزيدەنت اكىمشىلىگىن بۇعان دەيىن باسقارعان حۋدوەرزودا باحتيەر تاۆاردى تاجىكستان پارلامەنتى سايلاۋ جانە رەفەرەندۋم جونىندەگى ورتالىق كوميسسيا توراعاسى قىزمەتىنە ۇسىنعان.
وزودا ەمومالي 1978 جىلى 3 قاڭتاردا تۋعان. وسىعان دەيىن سىرتقى ىستەر مينيسترلىگىنىڭ ءبىرىنشى ورىنباسارى قىزمەتىن اتقارعان. بەس بالاسى بار.
تاجىكستاندا بۇگىن سونىمەن بىرگە بىرقاتار كادرلىق اۋىس-تۇيىستەر جاسالدى. پرەمەر-ءمينيستردىڭ ورىنباسارى، پرەزيدەنتتىڭ بىرنەشە كومەكشىسى اۋىستى. تاجىكستاننىڭ ۇلىبريتانيا مەن سولتۇستىك يرلاندياداعى، ساۋد ارابياسىنداعى ەلشىلەرى دە اۋىستى.
قاڭتاردىڭ باسىندا تاجىكستان پارلامەنتى ەل كونستيتۋتسياسىنا ەمومالي راحمونعا شەكسىز مارتە پرەزيدەنتتىكە سايلانۋ مۇمكىندىگىن بەرەتىن وزگەرىستەر مەن تولىقتىرۋلار ەنگىزۋ تۋرالى زاڭدى قابىلداعان. مۇنىڭ الدىندا ەمومالي راحمونعا "ۇلت كوشباسشىسى" اتاعىن بەرەتىن زاڭ قابىلدانعان.
اباي-اقپارات
