الدا كەلە جاتقان ۇلىستىڭ ۇلى كۇنى ناۋرىز مەيرامىن الماتىلىق بودي-ارتشىلار جالاڭاش تويلاۋدى جوسپارلاپ جاتقان كورىنەدى. "ەكسپرەسس ك" باسىلىمىنىڭ وسى ءبىر ء"سۇيىنشى" اقپاراتىن وقىپ وتىرىپ، نامىستان جارىلىپ كەتە جازدادىم. مادەنيەت ءمينيسترى ارىستانبەك مۇحامەديۇلى قايدا قاراپ وتىر دەپ ويلادىم.

قازىر قازاقستاندا قازاقتى جۇيەلى تۇردە ماسقارالاۋ "ويىنى" ءجۇرىپ جاتقانداي ەلەستەيدى. الاش جۇرتىنىڭ قىزدارىن ۇلتىمىزدىڭ ءتول جاڭا جىلىنىڭ قارساڭىندا جالاڭاشتاۋ ارقىلى بودي-ارتشىلار نەنى دالەلدەمەك؟ قازاق قىزىنىڭ، الاش ارۋىنىڭ جەزوكشەگە اينالعانىن با؟ جوق، الدە كۇن مەن ءتۇن تەڭەلەتىن قاسيەتتى مەيرامىمىزدى مانسۇقتاماق پا؟ 

ءبىر قىزىمىز "ونەر دەگەن وسى ەكەن" دەپ جالاڭاش دەنەسىن جۇرت الدىندا كورسەتسە، بار بويجەتكەنىمىزدىڭ تىر جالاڭاش قالعانى ەمەس پە؟  23 ناۋرىز كۇنى الماتىدا وتەتىن بۇل مەرەكەلىك ءىس-شارالار اياسىندا تاعى قانداي سۇمدىقتار بولاتىنى ازىرگە بەلگىسىز. دەسە دە، جاقسى جاڭالىق ەمەس.

اتىشۋلى وسى فەستيۆالگە فرانتسيا، وزبەكستان مەن قىرعىزستاننان دا قاتىسۋعا نيەت بىلدىرگەندەر بار كورىنەدى. دەمەك، ءتانىن ەلگە كورسەتۋگە قۇمار جاندار از ەمەس دەگەن ءسوز.

"وزبەك پەن قىرعىزدىڭ قىزى جالاڭاش قالدى" دەپ قابىرعامىز قايىسا قويماس. ارقاعا باتقانى - ازعىن-شارانىڭ بۇكىل جارناماسىندا مىنا سۋرەت ءجۇر. بۇل جەردە وزگە ۇلتتى ەمەس، قازاقتى ماسقارالايتىن شوۋ ەكەنى وسى سۋرەتتەن-اق كورىنىپ تۇرعان جوق پا؟ قازاقتىڭ ويۋ-ورنەگى، دومبىراسى، بورىگى... مىڭ جىلدىق تاريحى بار قاسيەتتى دومبىرانى بۇلاي ماسقارالاعاندار جازالانۋى كەرەك قوي. "ناعىز قازاق - قازاق ەمەس، ناعىز قازاق - دومبىرا" دەپ ەدى قادىر اقىن. دومبىرا مەن قازاق ەگىز ۇعىم بولىپ كەتكەلى قاشان؟ ەندى مىنە، قىزىڭنىڭ دا، دومبىراڭنىڭ ارى ساۋداعا سالىنىپ جاتىر. ءبىر كەزدەرى اراق بولىپ، قازاقتى "القاش" رەتىندە كورسەتۋگە پايدالانىلعان دومبىرا، ەندى باسقا سىپاتتا ساحناعا شىقتى. ماسقارا ما؟ ماسقارا! 

ء«بىز بودي-ارتتىڭ ناعىز ونەر ەكەنىن ىسىمەن عانا ەمەس، تانىمەن دە دالەلدەۋگە ءازىر جانداردى شاقىرامىز»، - دەيدى فەستيۆالدى ۇيىمداستىرۋشى اناستاسيا دورونينا.

ازعىندىقتى "ناعىز ونەر" دەپ باعالاساق، جەتىسكەن ەكەنبىز. حالقىمىزدى سالت-داستۇردەن بەزدىرەر مۇنداي شوۋلاردى (قىزداردىڭ جالاڭاش دەنەسىنە ناۋرىز مەيرامىنىڭ اتريبۋتتارى بەينەلەنەدى) بولعىزباۋ قاجەت. يسا ءماسىح پەن قىتاي كومپوزيتورى جايلى فيلم ءتۇسىرىپ جۇرگەن مادەنيەت ءمينيسترى ارىستانبەك مۇحامەديۇلى وسى جولى قاۋقار تانىتپاسا، قازاق حالقى ءمينيسترىنىڭ بەتىنە تۇكىرەرى حاق. ءسىز نە دەيسىز؟

ءشارىپحان قايسار

اbai.kz