قىرعىزستاندا دوڭىز تۇماۋىمەن اۋىرعان 61 ادام تىركەلگەن
قىرعىزستاندا جىل باسىنان بەرى دوڭىز تۇماۋى دەپ اتالاتىن ا (H1N1) ۆيرۋسىن 61 ادام جۇقتىرعان.
بۇل جونىندە ازاتتىققا ناۋقاستى الدىن الۋ مەن سانيتارلى-ەپيدەميولوگيالىق باقىلاۋ دەپارتامەنتىنىڭ باسشىسى شابدان رىسكۋلوۆ حابارلادى.
ونىڭ مالىمەتى بويىنشا، جەلتوقسان ايىنان بەرى بىرنەشە ادام مەديتسينالىق كومەككە جۇگىنگەن. ولاردىڭ 61-ىنەن دوڭىز تۇماۋىن انىقتاعان. بۇگىندە ولاردىڭ ءبارى ستاتسيونارلىق ەم قابىلداپ جاتىر.
دارىگەرلەر رەسپۋبليكادا تۇماۋدىڭ ءورشىپ تۇرعانىن ايتادى. مامانداردىڭ ايتۋىنشا، دوڭىز تۇماۋىنىڭ كادىمگى تۇماۋدان ەش ايىرماشىلىعى جوق. سوندىقتان ازاماتتارعا دەر كەزىندە دارىگەرگە جۇگىنۋگە كەڭەس بەرەدى.
تمد ەلدەرىندە، سونىمەن بىرگە قىرعىزستاندا ورۆي جانە ءتۇرلى تۇماۋدىڭ كەڭ تارالعانى بايقالادى. زەرتتەۋ بويىنشا، ناۋقاستاردىڭ 80 پايىزىنان دوڭىز تۇماۋىن انىقتاعان.
اباي-اقپارات
