جۇما, 29 ناۋرىز 2024
بىلگەنگە مارجان 7403 0 پىكىر 19 قاڭتار, 2016 ساعات 15:12

اقشانى قالاي ۇنەمدەيمىز؟

كوپ اقشا تابۋ - باتىرلىق، ونى ساقتاۋ - اقىلدىلىق، ال ۇنەمدەپ جاراتا ءبىلۋ - ونەر...

ب. اۆەرباح

دوستار، اقشاسىز ءبىر قادام اتتاي المايتىنىمىز اقيقات قوي. الايدا، كوبىنە اقشانى ۇنەمدەپ ۇستاي الماۋ كەسىرىنەن قيىندىققا تاپ بولىپ جاتامىز. "تەڭگە تيىننان قۇرالادى" دەمەكشى، از اقشانى ۇستاي بىلۋگە ءوز-ءوزىمىزدى ۇيرەتەيىك. وسى ورايدا، ماسساگەت.كز اقشانى قالاي ۇنەمدەپ ۇستاۋعا بولاتىنى تۋرالى بىرنەشە كەڭەس بەرەدى.

1. ءتۇرتىپ الىپ وتىرىڭىز

كەز كەلگەن زاتتى ساتىپ العاندا، جازىپ وتىراتىن كىتاپشا ارناڭىز. ءتىپتى، جولىڭىزعا كەتكەن 50 تيىندى دا ءتۇرتىپ الىڭىز. اپتانىڭ نە ايدىڭ سوڭىندا كىتاپشاڭىزدى اشىپ قاراڭىز. بۇل ءوز-وزىڭىزگە ەسەپ بەرۋدى ۇيرەتەدى. كەيىن بوسقا كەتكەن اقشاڭىزعا ءىشىڭىز كۇيىپ، اقشانى ۇنەمدەۋگە داعدىلانا باستايسىز. 

2. سۋ مەن قۋات كوزىن ۇنەمدەڭىز

جۋىنۋعا كەم دەگەندە 3 مينۋت كەتەدى. وسى ۋاقىت ىشىندە كرانداعى قانشا سۋ بوستان-بوسقا اعىپ كەتەتىنىنە نازار سالىڭىز. ءتىس شايعاندا، كراندى تىيىپ قويىڭىز. كەرەك كەزدە عانا، كراندى اعىتىپ تۇرۋعا ۇيرەنىڭىز. كرانىڭىز بۇزىلا باستاسا، دەرەۋ جوندەتۋگە اسىعىڭىز. سەبەبى، كران بۇزىلعاندا، كوپ سۋ تەككە اعىپ كەتەدى.  تۇندە جاتاردا بولمەلەردى ارالاپ، جارىقتىڭ سونگەنىن قاداعالاڭىز. جارىقتى جاعىپ قويىپ، ۇيىقتاپ كەتەتىن كەزدەر البەتتە، از ەمەس. مىنە، ءدال وسى ساتتەر قالتاڭىزدى جايمەن جۇقارتا بەرەدى.سونداي-اق، قۋات كوزىن كەرەك ەتەتىن زاتتاردى پايدالاعاندا دا، مۇقيات بولىڭىز. مىسالى، ۇتىكتەپ وتىرعاندا، تەلەفون شىرىلداسا، ۇتىكتى سۋىرىپ بارىپ، تەلەفونعا جۇگىرىڭىز. 

3. تاماق ساتىپ العاندا...

زەرتتەۋشىلەردىڭ ايتۋىنشا، الەمدەگى ادامداردىڭ باسىم كوپشىلىگى تاماقتى توڭازىتقىشقا ساقتاپ قويىپ، كەيىن ونى پايدالانباي-اق، لاقتىرا سالادى ەكەن. پايداسىز بولىپ قالعان سوڭ، لاقتىرماعاندا قايتسىن؟!ياعني، كوپ تاماق ساتىپ العان سوڭ، ازىق تاۋسىلعانشا ساقتالىپ تۇرعان تاماقتار جەۋگە جارامسىز بولىپ قالادى. مىسالى، قاراپايىم كارتوپتى كوپ ەتىپ الساڭىز، موشەكتىڭ استىندا قالىپ قويعان كارتوپتار كۇن وتكەن سايىن ءشىري بەرەدى. كەيىن ونى پايدالانباي-اق، لاقتىرۋعا تۋرا كەلەدى. سوندىقتان، تاماق ساتىپ العاندا وتە ۇقىپتى بولىڭىز.

4. ءوز-وزىڭىزگە شەكتەۋ قويا ءبىلىڭىز

قارنىڭىز اش بولسا، باسقا اڭگىمە، ال قارنىڭىز توق بولسا، ءتاتتى الماعا قىزىعىپ، ونى ساتىپ الماڭىز. كەز كەلگەن زاتتى ساتىپ الماس بۇرىن، باعالارىن سالىستىرىڭىز. بۇل ءسىزدىڭ ساراڭدىعىڭىز ەمەس، ساۋاتتىلىعىڭىز. اسىرەسە، قىمبات تۇراتىن زاتتاردىڭ باعالارىن سالىستىرىڭىز. ءبىر جەردە 150 مىڭ تەڭگە تۇراتىن نوۋتبۋكتىڭ ءدال وسى مودەلى باسقا ءبىر دۇكەندە جەڭىلدىكپەن 100 مىڭ تەڭگەگە ساتىلىپ جاتۋى ابدەن مۇمكىن. 

دوستار، سىزدەردىڭ ويلارىڭىزشا، اقشانى قالاي ۇنەمدەگەن دۇرىس؟

دايىنداعان: مەيىرگۇل وڭعاروۆا

ماسساگەت سايتى

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2279
عيبىرات

قايسار رۋحتى عازيز جان

مۇحتار قۇل-مۇحاممەد 3596