ەۆرەي بالالارىنىڭ اتا-اناسى بالالارىنا ەرەكشە مەيىرىممەن قارايدى. ءتىپتى مۇنداي، ماحابباتتى ەشبىر ەلدەن كەزدەستىرە المايسىز. سوندىقتان، ەۆرەي بالالارىنىڭ اتا-انا مەيىرىمىن سەزىنبەي ءوسۋى مۇمكىن ەمەس.
بالاعا كەمشىلىگىن بايقاتپاۋ
ولاردىڭ انالارى بالالارىن ەشقانداي جاعدايدا كەمسىتپەيدى. ولار بالاعا «سەن جامانسىڭ» دەپ ۇرىسپاي، ويىن «سەن سياقتى جاقسى بالا قالايشا مۇندايعا باردى؟» دەپ جەتكىزەدى. ەۆرەي اناسىنىڭ ۇستانىمى «مەنىڭ بالامدا ەشقانداي كەمشىلىك بولماۋعا ءتيىس» دەگەن سىڭايدا. ولار بالانىڭ بويىنان كەمشىلىك كورىپ تۇرسا دا، ونى بالاعا بىلدىرتپەيدى.
وي ەركىندىگى
ەۆرەيلەر بالا تاربيەسىندە ەكى قاراما-قارسىلىقتى قاتار الىپ جۇرەدى، ءبىرى ەركىندىك، ەكىنشىسى قاتاڭ تالاپ.
بالانى كەز كەلگەن ارەكەتى ءۇشىن ماقتاۋ
اناسى بالانى ۇنەمى ماقتاپ جۇرەدى. بۇل ونىڭ تۋىلا سالعانىنان باستالادى. ءتىپتى، ونىڭ ەڭ ءبىرىنشى سالعان تۇككە تۇرعىسىز سۋرەتى ءۇشىن دە ماقتاپ وتىرادى. جانە كەز كەلگەن جەتىستىگىن بارلىق تۋىستارىنا، دوستارىنا حابارلايدى. اسىرەسە، بالاڭىزدى بىرەۋگە ماقتاپ جاتساڭىز، ونى بالانىڭ ءوزى دە ەستۋى ارتىقتىق ەتپەيدى.
جاۋاپكەرشىلىك
ولار وتباسىندا بالا تابيەلەپ وتىرعان سوڭ، وزدەرىندەگى جاۋاپكەرشىلىكتى تولىقتاي سەزىنەدى. وزدەرى قاتەلىك جاساپ تۇرسا، بالاعا ۇلگى بولا المايتىنىن بىلەدى.
اتا-انا اراسىنداعى سىيلاستىق
ەۆرەي وتباسىندا جۇبايلار ءبىر بىرىنە ەرەكشە قۇرمەتپەن قارايدى. اتا-انا اراسىندا سىيلى قاتىناس بوسلا، بالا ءوزىن باتىل سەزىندى. ءوزى دە كەيىن وسكەندە ءدال سونداي وتباسى قۇرۋعا داعدىلانادى.
اتا-انا بولۋعا تالپىنۋ
يزرايلدە اتا-انا تاربيەسىنە قاتىستى ارنايى كۋرس وىرندارى بار. مۇنداي كۋرستار الەم بويىنشا كوپتەگەن ەۆرەي مەكتەپتەرىندە بار. وندا بالا تاربيەسى جھنىندە ساباق ۇيرەتەدى.
ۋاقىتتى ءتيىمدى پايدالانۋ
ەۆرەي بالالارى ەشقاشان بالا كۇنىنەن باستاپ، اۋلادا اڭگىمە ايتىپ ەشكىممەن وتىرمايدى. ولار ءۇشىن ءاردايىم ءبىر ىسپەن اينالىسۋ، بوس ۋاقىتى بولماۋ قالىپتى جاعداي بولىپ سانالادى.
