ارىپتەستەرىنىڭ جانە كورشىلەرىنىڭ سوزدەرىنشە، شاحودات باحادىروۆا ۇلىن ەكسترەميست دەگەن ايىپپەن تۇرمەگە قاماعان سوڭ، ۇزاق ۋاقىت بويىندا ۇلتتىق قاۋىپسىزدىك قىزمەتى قىزمەتكەرلەرىنىڭ جانە ءوزىنىڭ باسشىلىعىنىڭ قىسىمىندا بولعان. ولار ايەلگە قاتىستى ءتۇرلى ء«تىل تيگىزۋ» ءوزىن ولتىرۋگە اكەلۋى مۇمكىن دەيدى.

- شاحوداتتىڭ ۇلىن تۇرمەگە وتىرعىزعاننان كەيىن، ول جۇمىس ىستەگەن ليتسەيدىڭ ديرەكتورى ونى شاقىرىپ الىپ، «سەنىڭ ۇلىڭ ەكسترەميست» دەپ بالاعاتتادى. وسىدان كەيىن، ايەل جۇمىستان شىعىپ كەتتى. سونىمەن بىرگە ينستيتۋتتا وقيتىن قىزىن وقۋدان شىعارىپ جىبەردى. ايەلدى ۇنەمى ارنايى قىزمەت وكىلدەرى شاقىرىپ، تەرگەي بەرگەن. وسىدان كەيىن ول اسىلىپ قالدى. مۇنىڭ ءبارىن ول ءوزىنىڭ قوشتاسۋ حاتىندا جازعان، - دەدى مارقۇمنىڭ مەكتەپتە بىرگە جۇمىس ىستەگەن ارىپتەسى.

تاشكەنتتە ورنالاسقان وزبەكستانداعى تاۋەلسىز قۇقىق قورعاۋشىلاردىڭ باستاماشىل توبىنىڭ باسشىسى سۋرات يكراموۆ ءدىني سەنىمدەرى ءۇشىن تۇرمەگە قامالعان ادامداردىڭ وتباسىن ماسقارالاۋ ۇيرەنشىكتى جاعداي دەيدى.

اباي-اقپارات