بەيسەنبى, 28 ناۋرىز 2024
بىلگەنگە مارجان 8491 0 پىكىر 14 قاڭتار, 2016 ساعات 13:01

ەڭ كوپ ءتىل بىلەتىن فۋتبولشىلار

بىرنەشە ءتىلدى مەڭگەرۋ قاشان دا ارتىقتىق ەتپەيدى. كوپ ادامدار وزگە ءتىلدى ۇيرەنۋ – جارقىن بولاشاققا باستار جول دەپ بىلسە، بىرەۋلەر حوببي رەتىندە قارايدى. ودان بولەك ماماندىقتىڭ دا ءتىل ۇيرەنۋگە قاتىسى بار. ماسەلەن، ءبىر مامان يەلەرىنىڭ ءتىل ۇيرەنۋگە ۋاقىتى تابىلماي جاتسا، ەندى ءبىر كاسىپ يەلەرى ءوز مۇمكىندىكتەرىن پايدالانىپ ءتىل ۇيرەنىپ جاتادى. سولاردىڭ ءبىرى – فۋتبولشىلار.

فۋتبولشىلارعا ءتىل ۇيرەنۋگە مول مۇمكىندىك بار دەپ قاراۋعا بولادى. اسىرەسە الەمنىڭ ازۋلى فۋتبول ۇجىمدارىنىڭ قۇرامىندا ءبىر ۇلتتىڭ عانا تەڭبىل دوپ شەبەرلەرى دوپ تەپپەيدى. ءتۇرلى ۇلت وكىلدەرىن كەزدەستىرۋگە بولادى. ولار ءوزارا ءتىل تابىسۋ ءۇشىن اعىلشىن تىلىندە، نەمەسە ءبىر-ءبىرىنىڭ ءتىلىن ۇيرەنۋگە قۇلشىنىس تانىتادى. ناتيجەسىندە ءبىر ەمەس، بىرنەشە ءتىلدى مەىگەرىپ العان فۋتبولشىلار جەتەرلىك. بۇگىن سولار تۋرالى ايتا كەتكەندى ءجون ساناپ وتىرمىز.

زلاتان يبراگيموۆيچ

شۆەتسيا ۇلتتىق قۇراماسى مەن ءپاريجدىڭ «پسج» كلۋبىنىڭ شابۋىلشىسى زلاتان يبراگيموۆيچ 5 تىلدە ەركىن سويلەي الادى. ارىپتەستەرى ناعىز پوليگلوت دەپ اتايتىن شابۋىلشى يسپان، اعىلشىن، يتاليان، گوللاندجانە بوسنيا ءتىلىن بىلەدى.

گەنريح محيتاريان

ارمەنيا ۇلتتىق قۇراماسى مەن دورتمۋندتىق «بورۋسسيا» ويىنشىسى گەنريح محيتاريان دا 5 ءتىلدى ەركىن مەڭگەرگەن. ول ارميان، ورىس، اعىلشىن، فرانتسۋز جانە پورتۋگال تىلدەرىندە سويلەسە الادى.

مەسۋت وزيل

گەرمانيا قۇراماسى مەن لوندوندىق «ارسەنال» ويىنشىسى مەسۋت وزيل تۇرىك، نەمىس، يسپان، اعىلشىن تىلىندە ەركىن سويلەيدى.

پەتر چەح

ەڭ كوپ ءتىل بىلەتىن فۋتبولشىلاردىڭ ءبىرى – پەتر چەح. چەحيا ۇلتتىق قۇراماسى مەن لوندوندىق «ارسەنال» قاقپاشىسى چەح، اعىلشىن جانە فرانتسۋز تىلدەرىن ەركىن مەڭگەرگەن. سونداي-اق نەمىس، يسپان جانە ورىس تىلدەرىندە دە ءتىل تابىسا الادى ەكەن.

تيبو كۋرتۋا

بەلگيا ۇلتتىق قۇراماسى مەن لوندوننىڭ «چەلسي» كلۋبىنىڭ قاقپاشىسى تيبو كۋرتۋا دا پوليگلوت فۋتبولشىلاردىڭ ءبىرى. ول اعىلشىن، فرانتسۋز، نيدەرلاند، يسپان جانە پورتۋگال تىلدەرىن مەڭگەرگەن.

فەرناندينو

برازيليالىق فۋتبولشى دا بىرنەشە ءتىلدى مەڭگەرگەن. ونىڭ ىشىندە اعىلشىن، پورتۋگال جانە ورىس تىلىندەەركىن سويلەي الادى ەكەن.

ال فۋتبول جاتتىقتىرۋشىلارى اراسىنان «ۆەست حەم» (انگليا) كلۋبىنىڭ باس مامانى سلاۆەن بيليچ حورۆات، اعىلشىن، نەمىس، ورىس، ۋكراين ءتىلىن مەڭگەرگەن. انگليا قۇراماسىنىڭ باپكەرى روي حودجسون اعىلشىن، فرانتسۋز، نەمىس، يتاليان، شۆەد، دات ءتىلىن بىلەدى. لۋي ۆان گال («مانچەستەر يۋنايتەد») بولسا نيدەرلاند، اعىلشىن، يسپان جانە نەمىس تىلدەرىندە ەركىن سويلەي الادى ەكەن.

دەرەكتەر massaget.kz سايتىنان الىندى

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530