رەسەيدە تاجىك قارياسى ازاپتاپ ولتىرىلگەن
سەيسەنبى كۇنى تاجىكستانعا رەسەيدىڭ كالۋج وبلىسىنىڭ فەرماسىنىڭ بىرىندە ازاپتالعان 81 جاستاعى تاجىك ميگرانتى ۆاتان گافۋروۆتىڭ دەنەسى جونەلتىلدى.
ەكى جەرگىلىكتى تۇرعىن قارياعا 2015 جىلدىڭ 25 جەلتوقسانىندا شابۋىل جاساعان. ول 7 قاڭتار كۇنى ەسىن جيماستان كوز جۇمدى.
گافۋروۆتى بىلەتىندەر ونىڭ بالالارىنىڭ ءبارى رەسەيدە تۇراتىندىقتان امالسىزدان ەلىنەن كەتۋگە تۋرا كەلگەن دەيدى. ويتكەنى ەلىندە وعان قارايتىن ەشكىم قالماعان.
«بوبوي ۆاتان» كالۋج وبلىسىنداعى اۋىلدا مال شارۋاشىلىعى فەرماسىندا جۇمىس ىستەگەن. ول ءوزى سوندا تۇرعان. شابۋىل جاساۋدىڭ سەبەبى ءالى بەلگىسىز. ەكى كۇدىكتى ۇستالىپ، قىلمىستىق ءىس قوزعالعان.
ستاتيستيكالىق مالىمەت بويىنشا، رەسەيدە 1 ميلليونداي تاجىكستان ازاماتى تۇرادى. ولاردىڭ كوبى رەسەيگە جۇمىس ىستەۋ ءۇشىن بارعان.
جىل سايىن رەسەيدە مىڭداعان تاجىك ازاماتى ءارتۇرلى جاعدايدا كوز جۇمادى.
اباي-اقپارات
