بەيسەنبى, 28 ناۋرىز 2024
بيلىك 4754 0 پىكىر 5 قاڭتار, 2016 ساعات 11:11

دارىگەرلەر تۇڭعىش رەت باۋىر الماستىرۋ وتاسىن جاسادى

وقو-دا تۇڭعىش رەت قازاقستاندىق دارىگەرلەر باۋىر الماستىرۋ وتاسىن جاسادى، - دەپ حابارلايدى اباي-اقپارات.

قازاقستاندىق حيرۋرگتەر العاش رەت وڭتۇستىك قازاقستاندا باۋىر اۋىستىرۋ وپەراتسياسىن وزدەرى جاسادى. بۇعان دەيىن بەلارۋستىك ماماندارمەن بىرلەسە ءۇش مارتە باۋىر ترانسپلانتاتسياسى ءساتتى وتكىزىلگەن بولاتىن. ال ەندى جەرگىلىكتى دارىگەرلەر ا.سىزعانوۆ اتىنداعى ۇلتتىق عىلىمي حيرۋرگيا ورتالىعىنىڭ ماماندارىمەن بىرگە ءتورتىنشى باۋىردى وزدەرى اۋىستىردى.

وتا شىمكەنت قالالىق مەديتسينالىق جەدەل جاردەم اۋرۋحاناسىندا جاسالدى. دارىگەرلەردىڭ مالىمەتىنشە، باۋىر الماستىرعان ناۋقاستىڭ دەنساۋلىعىنا قاۋىپ ءتونىپ تۇرعان جوق. بۇگىندە اتالعان اۋرۋحانادا ترانسپلانتاتسيا قىزمەتى بەلسەندى دامىپ كەلەدى. سوڭعى ەكى جىلدا مۇندا 57 بۇيرەك الماستىرۋ وتاسى جاسالسا (ونىڭ سوڭعى 29 وتاسىن كلينيكا ماماندارى جاساعان), 4 باۋىر ترانسپلانتاتسياسى جۇزەگە اسىرىلعان. 

ايتا كەتەيىك، وڭتۇستىك قازاقستان وبلىسىندا قازىرگى تاڭدا باۋىر جەتىسپەۋشىلىگىنىڭ ءتۇرلى سەبەپتەرىمەن كەزەكتە تۇرعان 90-نان استام ناۋقاس بار. سونىڭ بىرقاتارى اعزا الماستىرۋ وتاسىن قاجەت ەتەدى.

باۋىر ترانسپلانتاتسياسى الەمدەگى ەڭ وزەكتى ماسەلەلەردىڭ ءبىرى بولىپ تابىلادى. بۇكىلالەمدىك دەنساۋلىق ساقتاۋ ۇيىمىنىڭ ەۋروپالىق ايماقتىق بيۋروسىنىڭ مالىمەتىنشە، ايماقتاعى 43 مەملەكەتتە، تمد-عى 7 ەلدە باۋىر جەتىسپەۋشىلىگىنىڭ سالدارىنان ءولىم دەڭگەيى جوعارى بولعانىن كورسەتكەن. 

وقو اكىمىنىڭ ءباسپاسوز قىزمەتى

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3509