رف مەملەكەتتىك دۋماسىنىڭ كونستيتۋتسيالىق كوميتەتى توراعاسىنىڭ ورىنباسارى ۆاديم سولوۆەۆ جوعارى لاۋازىمىدى شەنەۋنىكتەردىڭ، مينيسترلەردىڭ، گۋبەرناتورلار جانە ايماقتىق پارلامەنت باسشىلارىنىڭ ايەلدەرى مەن بالالارىنا بيزنەسپەن اينالىسۋلارىنا تىيىم سالاتىن زاڭ جوباسىن ازىرلەۋدە.

ريا نوۆوستي اگەنتتىگىنە بەرگەن سۇحاتىندا سولوۆەۆ: ء"بىز باس پروكۋروردىڭ بالالارىنىڭ بيزنەسىنە بايلانىستى جايتتاردى ساراپتادىق جانە وعان دەيىنگى بىرقاتار گۋبەرناتوردىڭ ايەلدەرى مەن بالالارىنىڭ بيزنەسپەن بەلسەندى شۇعىلدانعانىنان تۋعان وقيعالاردى ەلەكتەن وتكىزدىك. ءبىز مەملەكەتتىك قىزمەت تۋرالى زاڭعا ەكى تۇزەتۋ ەنگىزۋ قاجەت دەگەن قورىتىندىعا كەلدىك", - دەدى.

سولوۆەۆتىڭ سوزىنشە، ءبىرىنشى تۇزەتۋ پرەزيدەنتتىڭ ءوزى نەمەسە ونىڭ ۇسىنىسى بويىنشا وزگە بيلىك ورگاندارى تاعايىندايتىن جوعارى لاۋازىمدى تۇلعالاردىڭ ايەلدەرى مەن بالالارىنا بيزنەسپەن شۇعىلدانۋلارىنا تىيىم سالۋدى كوزدەيدى. سونىمەن بىرگە جالعان اجىراسۋ جولىمەن بۇل تالاپتاردى بۇزباق بولعاندارعا شامامەن ءبىر ميلليون رۋبل ايىپپۇل تولەتىپ جانە جۇمىستان بوساتۋ قاراستىرىلعان.

Abai.kz