ءدىني ەكسترەميستەردىڭ ۇيلەرىنە ءتىنتۋ بولدى
قىرعىزستاننىڭ جالال-اباد وبلىسىندا ميليتسيا قىزمەتكەرلەرى مەن قاۋىپسىزدىك ورىندارىنىڭ وكىلدەرى ءبىر مەزەتتە «حيزب ۋت-تاحرير» ءدىني-ەكسترەميستىك ۇيىمنىڭ 11 بەلسەندى مۇشەسىنىڭ ۇيىندە ءتىنتۋ جۇرگىزدى.
ءىىم ءباسپاسوز قىزمەتىنىڭ مالىمەتىنشە، ءتىنتۋ بارىسىندا جىكشىلدىككە ۇندەيتىن اقپارات جازىلعان ۇنپاراقتار، كىتاپتار، ديسكتەر مەن فلەش-كارتالار جانە ەسىرتكى زاتتارى تابىلعان. مۇنداي شارا تۇرعىندار اراسىنداعى ءدىني-ەكسترەميستىك ۇگىت-ناسيحاتتىڭ تارالۋىنىڭ الدىن الۋ ماقساتىندا وتكىزىلىپ تۇرادى.
رەسمي دەرەك بويىنشا، جالال-اباد وبلىسىندا 500-گە جۋىق ادام ميليتسيادا ءدىني-ەكسترەميستىك ۇيىم مۇشەسى رەتىندە ەسەپتە تۇر.
اباي-اقپارات
