وباما: يم-گە قارسى ستراتەگيانى جەدەلدەتۋ قاجەت
اقش پرەزيدەنتى باراك وباما يسلام مەملەكەتى (يم) يراك پەن سيريا اۋماعىندا يەلىك ەتكەن جەرىنىڭ كوپ بولىگىنەن ايىرىلىپ قالعانىن مالىمدەدى.
دەگەنمەن ەكسترەميستىك توپقا قارسى كۇرەستەگى جەتىستىكتى ودان ءارى ۇدەتە ءتۇسۋ قاجەتتىگىن اتاپ ءوتتى.
پەنتاگوندا جۋرناليستەر الدىندا مالىمدەمە جاساعان وباما اقش باستاعان حالىقارالىق كواليتسيا قۇرامىنداعى وزگە ەلدەردىڭ يم-گە قارسى كۇرەستەگى ۇلەسىن ۇلعايتۋ ءۇشىن، قورعانىس ءمينيسترى ەش كارتەرگە تاياۋ شىعىسقا بارۋعا تاپسىرما بەرگەنىن ايتتى.
مەرەكە قارساڭىندا قوعامداعى الاڭداۋشىلىقتى باسۋ ماقساتىندا، وباما ۇلتتىق قاۋىپسىزدىك كەڭەسىنىڭ ءماجىلىسىن پەنتاگوندا وتكىزدى. بۇل سيرەك كەزدەسەتىن جايت جانە مۇنىسى يم مەن ونىڭ شەتەلدەگى جانە اقش-تاعى جاقتاستارىن توقتاتۋعا باعىتتالعان ستراتەگياسىن تۇسىندىرۋگە باعىتتالعان قادامنىڭ ءبىرى.
ول اقش لاڭكەستەردىڭ جەتەكشىلەرىن ۇستاۋدى، وزگە ەلدەردىڭ قاۋىپسىزدىك كۇشتەرىن دايىنداۋدى جانە لاڭكەستىك توپتىڭ ناسيحات پەن قارجى كوزدەرىن جابۋدى كوزدەيتىنىن حابارلادى.
اباي-اقپارات
