«يسلام مەملەكەتى» ەكسترەميستىك توبى يەمەندە ادەن قالاسى گۋبەرناتورى جافار موحاممەد سااد پەن ونىڭ التى وققاعارىن مەرت قىلعان شابۋىلدى ءوز موينىنا الاتىنى تۋرالى مالىمدەگەن.

گۋبەرناتورعا شابۋىل بۇگىن تاڭەرتەڭ، ول قىزمەتكە كەتىپ بارا جاتقان كەزدە جاسالعان دەپ حابارلادى يەمەن قاۋىپسىزدىك قىزمەتى.

ساۋد ارابياسىنىڭ قولداۋىنا سۇيەنگەن يەمەن ۇكىمەتىنىڭ اسكەرى بيىل جازدا ادەن قالاسىن شيت كوتەرىلىسشىلەرى - حۋسيتتەردەن ازات ەتكەن. «يسلام مەملەكەتى» ەكسترەميستىك توبى مەن «اراب تۇبەگىندەگى ءال-قايدا» ۇيىمى يەمەندەگى جانجالدى وسى ەلدەگى ءوز پوزيتسيالارىن نىعايتۋ ءۇشىن پايدالانۋعا تىرىسىپ كەلەدى.

5 جەلتوقساندا ادەن قالاسىندا جاسالعان شابۋىلدان سىرتقى اسكەري بارلاۋ پولكوۆنيگى اكيل ءال-حودر مەن ء«ال-قايدا» سودىرلارىنا ۇكىم شىعارعان سۋديا موحسەن الۆان قازا تاپقان.

Abai.kz