جازيرا بايىربەك: مەملەكەتتىڭ اتىنان قارىز الىپ، جاعدايىن جاساپ العان دوكەيلەرگە قىزىعامىن

قازاق ەستراداسىنداعى جۇلدىزدى جۇپ جانبولات پەن جازيرا Instagram پاراقشاسىندا حالىقتىڭ نەسىبەسىنەن جاعدايىن جاساپ وتىرعان دوكەيلەرگە “قىزىعاتىنىن” ايتتى دەپ حابارلايدى NUR.KZ پورتالى.

“بىرەۋگە 100 تەڭگە قارىز بولساق ۇيىقتاي المايمىز. ال مەملەكەتتىڭ، حالىقتىڭ اتىنان قارىز الىپ جەكە باستارىنىڭ جاعدايىن جاساپ، وتىرعان دوكەيلەردىڭ جۇرەكتەرىنىڭ مىقتىلىعىنا قىزىعامىن. شىندىقتى ايتاتىندار بىردەن جابىلىپ جاتىر. ەلىمنىڭ بولاشاعىنا قاتتى الىڭدايمىن. “ساياساتقا ارالاسپا”دەيدى. بىراق مەن حالىقتىڭ ءبىرىمىن. حالىققا وي ايتۋعا رۇقسات شىعار”، – دەگەن ءانشى استارلى وي تاستايدى.

اتالعان حابارلاماعا پىكىر بىلدىرۋشىلەر وتە بەلسەندىلىك تانىتۋدا. پاراقشا وقىرماندارى ءوز ويلارىن اشىق جەتكىزۋدە. ءبىرى «جازيرا، مەن سىزگە قوسىلامىن. قولدايمىن» دەسە، ەندى ءبىرى «جازيرا، ۇندەمە…» دەگەن سياقتى ەسكەرتۋلەر جاساۋدا.

Abai.kz