بۇل تۋرالى ونەر جۇلدىزى وتاندىق ارنالارداعى باعدارلامالاردىڭ بىرىنە بەرگەن سۇحباتىن جايىپ سالدى.

ءتىلشىنىڭ توقال الۋ تۋرالى قويعان ساۋالىنا: «قورازدانامىز، بىراق الا المايمىز... ونى مەن جۇبايىممەن ءوزىم شەشەم، ماسەلە جوق. الام با، المايمىن با، ونى ءبىر اللا بىلەدى» دەگەن ول.

«كەيبىر جىگىتتەر بار، ەكىنشى المايمىن. بىرەۋىن قارىق قىلىپ الايىن دەپ جۇرەدى دە ەكەۋ ەمەس، ۇشەۋىن الادى»،-دەدى ءانشى.

مۇنان سوڭ مۋزارتتىق ونەر جۇلدىزى ەرلەردىڭ كوڭىلدەسى بولىپ جۇرگەن قىزداردىڭ ارەكەتىن سىنعا الدى.

«ويلانىڭىزشى، ءبىر ەركەك ايدالاداعى بىرەۋگە كوڭىلدەس بولعانى ءۇشىن استىنا اۆتوكولىك اپەرىپ جاتادى. ءتىپتى ول بالا دا تۋىپ بەرمەيدى. قاراپ وتىرساڭ، حالىقتىڭ سانىن كوبەيتپەيدى دە. پايداسى جوق. قىسقاسى، ءبىر تۇندىك جاس قىزدار كوپ ءبىزدىڭ قوعامىمىزدا، زامانىمىزدا، اللا ساقتاسىن»،-دەپ اشۋلاندى توپ مۇشەسى. ال بەلگىلى پروديۋسەر، اسقار تاۋ اكە قىدىرالى بولمانوۆ العاشىندا جۇبايى قاراقات ءابىلدينا توقال الىپ بەرگەلى جاتقانىن ءسوز اراسىنا قوسىپ، كەيىن ونىسى ء ازىل ەكەنىن ءتۇسىندىردى. دەگەنمەن بولمانوۆ مىرزا ەلدەگى ەرلەردىڭ توقال الۋ بىلاي تۇرسىن، 3-4 ايەلدەن الۋىنا قارسىلىق تانىتپايتىنىن ايتىپ قالدى. 

"جالپى اقىلدى دۇنيە رەتىندە قاراپ وتىرساڭىز، وسىدان بالەنباي جىل بۇرىن ءبىر جىگىتكە 7-9 قىز كەلەتىن مىسالعا. قازىر بۇل ودان دا كوپ. جيىرمادان اسادى. كورسەتكىش ءوستى. ەگەر ۇلتىمىزدى ساقتاپ، ۇرپاق كوبەيتۋ ماسەلەسىن ويلايتىن بولساق، ءار قازاق 3-4 ايەل الىپ، ونى اسىراپ باعىپ، بالالارىن ءوسىرۋ بىزگە قاجەت سياقتى”، – دەيدى پروديۋسەر.

Abai.kz