جاقىندا ارمەنيالىق «ArmenianReport» سايتىندا جۋرناليست تەۆوس ارشاكياننىڭ «ەرەۆان نازارباەۆتىڭ بەدەلىن تۇسىرۋدە» (تۇپنۇسقاداعى تاقىرىپ – ەرەۆان «بەت» پو ساموليۋبيۋ نازارباەۆا!) اتتى ماقالاسىن جاريالادى.

وندا ارميان ءجۋرناليستى تاۋلى قاراباق جانجالىنا قاتىستى قازاقستان پرەزيدەنتىنىڭ ۇستانىپ وتىرعان پوزيتسياسىن اشىق سىناپ، ازىربايجانعا بۇيرەگىن بۇرىپ وتىر دەپ ايىپتادى.

«ەگەر استانا بۇدان ءارى دە ءازىربايجاندى قولدايتىن بولسا، ەرەۆان ناقتى شارالاردى قولدانۋى ءتيىس. ءتىپتى، ارمەنيا مەن قازاقستان اراسىنداعى مەملەكەتارالىق ىنتىماقتاستىقتى ءۇزىپ، قازاقستاننىڭ ەرەۆانداعى وكىلەتتى ەلشىسىن ەلدەن قۋىپ شىعۋ كەرەك»،  -دەپتى اركاشيان ءوز ماقالاسىندا.

وسىدان ءسال ەرتەرەكتە ارمەنيا ەاەو-دان شىققالى جاتقانىن مالىمدەگەن ەدى. ەندى ەرەۆان ءىس جۇزىندە وداقتاستارىنا وسقىرىنىپ جاتقانعا ۇقسايدى.

مىسالى، جوعارىداعى ماقالادا ەاەو ەلدەرىنىڭ (سونىڭ ىشىندە قازاقستان، بەلارۋسيا جانە ارمەنيانىڭ نەگىزگى ارقاسۇيەرى رەسەيدىڭ) سوعىس جاعدايىندا ۇجىمىدىق قاۋىپسىزدىك دەكلاراتسياسىن بۇزىپ، ءازىربايجان مەن ارمەنيا اراسىنداعى سوعىسقا قاتىسپاي قويعانىن  اشىق سىناعان. ءتىپتى، ەاەو-عا مۇشەلىك ەتكەن ءبىر جىلدىڭ ىشىندە ارمەنيانىڭ ەكسپورتى 4,7 پايىزعا تومەندەپ، شەتەلدىك ينۆەستيتسيا كولەمىنىڭ ازايعانىن ايتقان. سونىڭ نەگىزىندە ارمەنيا ۇلتتىق كەڭەسىنىڭ دەپۋتاتى، حاچاتۋر كوكبەليان ەۋرازيالىق وداقتان شىعۋ تۋرالى باستاما كوتەرگەن.

ودان ءارى اۆتور ارمەنيا سىرتقى ىستەر ءمينيسترىنىڭ  استانا مەن مينسك پوزيتسياسىنا قاتىستى پىكىرىن مىسالعا كەلتىرە وتىرىپ، «وداقتاستاردىڭ» ارمەنيادان سىرت اينالعانىنا نارازىلىق بىلدىرگەن.  

جاقىندا ارمەنيالىق باق، ەلدىڭ سولتۇستىگىندەگى شيراك وبلىسىنا قاراستى اريچ ەلدى-مەكەنىندەگى جەرگىلىكتى باسقارۋ ورگانى نازارباەۆ اتىنداعى كوشەنىنىڭ اتاۋىن وزگەرتەتىنىن جانە اتالعان اۋىلداعى نازارباەۆ مۇراجايىن جاباتىنىن جارىسا جازعان بولاتىن.

جۋرناليست ارشاكياننىڭ جازۋىنشا، ارمەنيا حالقى قازاقستان پرەزيدەنتى نازارباەۆ پەن بەلارۋسيا پرەزيدەنتى لۋكاشەنكوعا نارازى.

«ەۋرازيالىق وداق اياسىندا ۇجىمدىق قاۋىپسىزدىك تۋرالى دەكلاراتسياعا سايكەس ارمەنيا مەن ءازىربايجان اراسىنداعى تاۋلى قاراباق سوعىسىندا اسكەري كومەك كورسەتۋدەن اشىق باس تارتىپ، دەكلاراتسيانى ورەسكەل بۇزدى. ءتىپتى، نازارباەۆ پەن لۋكاشەنكو بۇل سوعىستا ارمەنيا پرەزيدەنتى سارگسيانعا اسكەر تۇگىلى، مورالدىك كومەك تە كورسەتۋگە نيەتتى ەمەس. وداققا مۇشە ەكى مەملەكەت باسشىلارى دا ءازىربايجان پرەزيدەنتى اليەۆ پەن تۇركيا پرەزيدەنتى ەردوعاندى قولدايتىندىقتارىن اشىق جەتكىزدى»،-دەپ جازادى.

ارميان ءجۋرناليستى «قازاقستاننىڭ ارمەنياعا ەندى ءىشى جىلىمايتىنى تۇسىنىكتى «پرو-ازىربايجاندىق» كوڭىل-كۇي باسىم، سوندىقتان نازارباەۆتان ەشتەڭە كۇتۋگە بولمايدى»،  -دەپ جازىپتى ( ودناكو ۆرياد لي ەتو زاستاۆيت كازاحستان يزمەنيت سۆوە وتنوشەنيە ك ارمەني – سليشكوم ۋج سيلنى پروازەربايدجانسكيە ناستروەنيا كاك ۆ كازاحستانسكوم رۋكوۆودستۆە، تاك ي ۆ وبششەستۆە).

«ەۋرازيالىق ەكونوميكالىق وداق پرەزيدەنت نازارباەۆتىڭ تىكەلەي مۇرىندىق بولۋىمەن قۇرىلعان وداق ەكەنىن ەسكەرسەك، ارمەنيانىڭ وداقتان شىعۋى نازارباەۆقا ۇلكەن سوققى بولىپ تيەتىنى ءسوزسىز»،-دەپ تە  جازادى ارميان باسىلىمدارى.

PS: تاۋلى قاراباق جانجالىنا قاتىستى استانا باكۋدىڭ ۇستانىمىن قولدايدى. ويتكەنى قازاقستان ءۇشىن ءازىربايجاننىڭ تەرريتوريالىق تۇتاستىعى قىمبات. ەكى ەل اراسىنداعى جەر داۋىن بەيبىت جانە حالىقارالىق زاڭنامالار شەڭبەرىندە شەشۋدى ۇسىنعان پرەزيدەنت نازارباەۆقا ەرەۆان نارازى. ءازىربايجانداردى ەمەس، وزدەرىن قولداۋدى قالايدى.

جاقىندا ەرەۆاندا ەۋرازيالىق ەكونوميكالىق وداقتىڭ كەزەكتى جيىنى ءوتتى. وعان قازاقستان پرەزيدەنتى نازارباەۆ پەن بەلارۋسيا پرەزيدەنتى لۋكاشەنكو قاتىسپاي قويدى. ال ارمەنيا پرەزيدەنتى سەرج سارگسيان نازارباەۆ پەن لۋكاشەنكونىڭ ۇستىنەن وداقباسى مەدۆەدەۆ مىرزاعا شاعىمداندى. ال قازاقستان  پرەزيدەنتى نۇرسۇلتان نازارباەۆ جەر ماسەلەسىن بەيبىت شەشىپ، بۇۇ قابالداعان 4 رەزوليۋتسيا نەگىزىندە قاراباقتى ازىربايجاندارعا قايتارىپ بەرۋدى ۇسىندى. ال بەلارۋسيا «باتكاسى» ازىربايجانعا اسكەري كومەك كورسەتۋگە دايىن ەكەندىگىن اشىق مالىمدەدى.

ارمەنيا 2014 جىلى ەاەو-عا مۇشەلىككە وتەر كەزدە، پرەزيدەنت نازارباەۆ ارمەنيا اننەكتسيالاپ العان تاۋلى قاراباقتى ازىربايجاندارعا قايتارىپ بەرۋ كەرەكتىگىن ايتقان ەدى. بىراق، ول كەزدە كرەمل قوجايىنىنىڭ تىزەگە باسۋىمەن ارمەنيا وداققا مۇشە بولىپ قوسىلدى. بىراق، پرەزيدەنت نازارباەۆ قاراباققا قاتىستى ۇستانىمىن وزگەرتكەن ەمەس. وتكەن اپتادا بولعان ەرەۆانداعى جيىنعا نازارباەۆتىڭ بارماي قويۋى سونىڭ دالەلى بولسا كەرەك.

نۇرگەلدى ابىدعانيۇلى

Abai.kz