قىرعىزستان ءسىم بۇل باياندامانى مەملەكەتتەگى ساياسي جۇيەگە قىسىم جاساۋعا تىرىسۋ دەپ باعالادى.

سىرتقى ىستەر مينيسترلىگى تاراتقان مالىمدەمەدە وسى ماسەلە بويىنشا حالىقارالىق ۇيىمدار مەن شەتەلدىك ارىپتەستەرگە، ونىڭ ىشىندە اقش-تاعى جەكەلەگەن ينستيتۋتتارعا جاقسى اقىل-كەڭەسى مەن كومەگى ءۇشىن قىرعىزستاننىڭ راقمەت ايتاتىنى جازىلعان. الايدا قىرعىزستان جوعارىدا اتالعان ەسەپتەگى ساياسي استارى باردەپ سانايتىن جەكەلەگەن باعالاردى دۇرىس ەمەس دەپ باعالايدى.

ء«بىز باياندامانىڭ «زاڭسىز تۇتقىنداۋلار»، «بيلىكتىڭ مۇدەسى ءۇشىن ساياسي كوزقاراسى وزگەشە ازاماتتاردى وقشاۋلاۋ» سەكىلدى تۇستارمەن مۇلدەم كەلىسپەيمىز. سونىمەن بىرگە بارىنە جاقسى تانىس ا.اسقاروۆتىڭ «قۇقىعىن بۇزۋ»، «سوعان جول بەرگەن لاۋازىم يەلەرىنىڭ جازاسىز قالۋى»، «بيلىكتىڭ ۇكىمەتتىك ەمەس ۇيىمدارعا قىسىم كورسەتۋى» سەكىلدى اقىلعا قونىمسىز تۇستارىمەن مۇلدەم كەلىسە المايمىز»، - دەلىنگەن مالىمدەمەدە.

قىرعىزستاننىڭ سىرتقى ىستەر مينيسترلىگى اقش مەملەكەتتىك دەپارتامەنتىنىڭ قىرعىزستان تۋرالى ەسەبىن «مەملەكەتتەگى ساياسي جۇيەگە قىسىم كورسەتۋدى كوزدەيتىن ساياسي استارى بار، ەش نەگىزسىز ساياسي بوپسالاۋ» رەتىندە قابىلدايتىنىن ءمالىم ەتتى.

اباي-اقپارات