سەنبى كۇنى كۋباعا كەلگەن قازاقستان پرەزيدەنتى نۇرسۇلتان نازارباەۆ وسى ەلدىڭ مەملەكەتتىك كەڭەسىنىڭ جانە مينيسترلەر كەڭەسىنىڭ توراعاسى راۋل كاسترومەن كەزدەستى. بۇل تۋرالى نازارباەۆتىڭ ءباسپاسوز قىزمەتى حابارلايدى.

كەزدەسۋ بارىسىندا ەكى جاقتىڭ ساۋدا-ەكونوميكالىق، ءبىلىم، مادەنيەت، سپورت، اۋىل شارۋاشىلىعى سالالارىنداعى بايلانىستارىن نىعايتۋ ءسوز بولعان.

اقوردا سايتى «نۇرسۇلتان نازارباەۆ پەن راۋل كاسترونىڭ دەنساۋلىق ساقتاۋ، فارماتسەۆتيكا جانە بيوتەحنولوگيا سالالارىندا بىرلەسىپ جۇمىس ىستەۋ جاعىنا جەكە توقتالعانى جانە بۇل جاعىنان ەكى ەل ماماندارىنىڭ تاجىريبە الماسۋىنىڭ ماڭىزدىلىعى تۋرالى» ايتىلعانىن جازادى.

نازارباەۆ 2017-2018 جىلدارى بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولۋعا نيەت بىلدىرگەن قازاقستاندى قولداۋعا كەلىسكەن كۋباعا ريزاشىلىعىن ءبلدىردى.

Abai.kz