سارسەنبى, 30 قىركۇيەك 2020
COVID-19 قازاقستاندا. جۇقتىرعاندار — 107908. جازىلعاندار — 102874. قايتىس بولعاندار — 1725
جاڭالىقتار 3301 0 پىكىر 31 ناۋرىز, 2016 ساعات 10:49

وزبەك ءانشىسى رايحون انا ءتىلىن بىلمەگەنى ءۇشىن سىنعا قالدى

ءالەۋمەتتىك جەلىنى قولدانۋشىلار اراسىندا ءوزبەكستاننىڭ ەڭبەگى ءسىڭگەن ءاءرتىسى رايحون گانيەۆانىڭ ينتەرنەت باسىلىمعا بەرگەن سۇحباتىندا جاسىنا بايلانىستى ءوزبەك ءتىلىن ءۇيرەنۋ قيىن بولاتىنى تۋرالى پىكىرى ءۇلكەن پىكىرتالاس تۋدىردى.

وزبەكتىڭ اتاقتى كينەماتوگرافيستى ءنابي گانيەۆتىڭ نەمەرەسى رايحوننىڭ وزبەك ءتىلىن بىلمەيتىنى كوپشىلىكتى قىنجىلتقان. كەيبىرى ءتىلدى بىلمەيتىنىن جارنامالاعان ءانشى، وسىلايشا "وزبەكتەردى قورلايدى" دەسە، Facebookتەگى قولدانۋشىلار وزبەكستاننىڭ مەملەكەتتىك ءتىلىن ءبىلۋ زاڭ بويىنشا مىندەت ەكەنىن ەسكە سالدى.

رايحوننىڭ جاقتاستارى "مەملەكەتتىك ءتىلدى ءبىلۋ-بىلمەۋدىڭ ماڭىزى جوق ەكەنىن", ءانشىنىڭ مەملەكەتتىك تىلدە سويلەمەگەنىنەن "وزبەك ەكونوميكاسىنا كەلىپ كەتەر ەشتەڭە جوق» ەكەنىن العا تارتتى.

"وزبەكستان – كوپۇلتتى ەل. مۇندا وزبەكتەردەن باسقا، ەۆرەيلەر، ت.ركىمەندەر، تاجىكتەر، سەكىلدى باسقا ۇلت وكىلدەرى دە تۇرادى. مىسالى، سامارقاندقا بارساڭىز، وندا ەلدىڭ ءبارى تاجىكشە سويلەيدى. وزبەك ءتىلىن بىلمەيتىندەر دە بار. بىراق ولاردىڭ ءبارى وزبەكشە ءان ايتادى. ولار حالىققا دەگەن سۇيىسپەنشىلىگىن وسىلاي بىلدىرەدى. سوندىقتان ولارعا ۇنەمى وزبەكشە سويلەۋ مىندەت ەمەس", – دەدى وزبەك ءانشىسى ازيزا نيازمەتوۆا.

1989 جىلى وزبەكستاندا «مەملەكەتتىك ءتىل تۋرالى»زاڭ قابىلداندى.وزبەكستان تاۋەلسىزدىك العان سوڭ، زاڭعا بىرقاتار وزگەرىستەر مەن تولىقتىرۋلار ەنگىزىلىپ، مەملەكەتتىك ءتىل-وزبەك ءتىلىنىڭ قۇقىقتىق مارتەبەسىن ودان ءارى كۇشەيتتى.

Abai.kz

0 پىكىر